Kem Udél Hlalak Tehe Selumun 9:12 - Udél Dwata: Gna Kesfasad ne Lomi Kesfasad

¹² Ke wen khulungem hedem ni se yóm kóm kehyu. Okóm ke mom kenbéem laen dù dumu glayam són sem uu.

Kem Udél Hlalak Tehe Selumun 9:12 Referans Kwoze

Isikél 18:20

Yóm tau gel mò sidek, yó se yóm tau géhél matay. Là kô na e nbô ngaen logi du yó kem salà nmò maen. Dalang se yóm maen, là kô nan e nbô du yó kem salà nmò ngaen logi. Yóm tau tedeng kmoen, bud hyu se ofolen lemwót bè kmoen yóm hyu. Yóm tau mò sidek, angat tnafak lemwót bè yóm kmoen sidek.

Kem Udél Hlalak Tehe Selumun 16:26

Yóm alì nóyô tau yó se bemlay du óyô mò nmò ne yóm kbitilen gemduf du mò nmò.

2 Pitér 3:16

Hol lómón ni se yóm gel tulónen bè yó kem dumu sulaten lemwót bè yóm hol kgesón benwu. Wen se bè yó kem snulaten malù mgel temngón du yóm hol lanen. Yóm gel mgel du yó, fen gel sekban kehlan le du yó kem tau là hulung le hedem, kem tau là mbegelen yóm kehtahu le. Bud ni se gel nmò le bè yó kem dumu hsulat Dwata snéen. Yóm alì kesekban le yó, yó se mit kul elem tafak laen dù sónen.

Glasya 6:5

Kaem ket tau se smolu du yóm kun nmò.

Kem Udél Hlalak Tehe Selumun 14:14

Yóm tau seblékê kehedemen gutahen bungu yó kem deng nmoen ne yóm tau hyu kmoen gutahen se bunguhen yóm kun gel nmò.

Kem Udél Hlalak Tehe Selumun 19:29

Deng wen tafak eles mangat kul yó kem tau semdekà ne yó kem tau book eles wen se bogul tgama kul.

Job 19:4

Ne baluen se ke tahu deng wen salà nmou, dou nbô yóm yó sundu kuy du.

Sikaraya 12:14

Ket sfu yó kem dù tau tebel bè Juda, angat le gotu stifun honon lu, gotu le langag. Dalang se yó kem tuha libun le, tey klangag le se kul bè yóm gónó le nô sónen lu.”