Kem Udél Hlalak Tehe Selumun 8:9 - Udél Dwata: Gna Kesfasad ne Lomi Kesfasad

⁹ Ni kem udélu ni tey mtukul bè yó kem tau hulung temnef ne tedeng bè yó kem tau temngón.

Kem Udél Hlalak Tehe Selumun 8:9 Referans Kwoze

Kem Udél Hlalak Tehe Selumun 14:6

Yóm tau gel semdekà gel hnebelen yóm khulung hedem, okóm laen dù tonen, okóm kun yóm tau hulung temnef, mahil wen tngónen.

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kun Snulat Jan 6:45

Wen snulat yó kem tehe gna tugod Dwata ekni, yó mon le, ‘Angat tolok Dwata kdéen tau.’ Yó se tau hmungol ke Mà ne wen dnalangen béléen,” mon Jisas, “yó se yóm tau mógów ebéléu.

Kem Udél Hlalak Tehe Selumun 15:24

Yóm tau hulung hedem loloen yóm lan eta ebè yóm klowil laen dù sónen anì là gloloen du yóm lan e laan e lem hatay.

Mika 2:7

Ó kem tau Israél, yó kô udél ye? Gbek Dwata hembala du kô yóm nmò ye yó? Ke yó dum tedeng yóm tendo gel nmò ye, kaem hyu bélê ye yóm udélu ni.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Kem Udél Hlalak Tehe Selumun 18:15

Yóm tau hulung milô gutahen ketngónen ne yóm tau hulung hedem són moen hemklingu yóm ketngón.

Kem Udél Hlalak Tehe Selumun 17:24

Yóm tau hulung temnef tendo snoluhen yóm khulung hedem, okóm yóm tau book lusà du gónón e solu.

Kem Udél Hlalak Tehe Selumun 15:14

Yóm tau hulung temnef són moen semgalu ketngónen, okóm yóm tau book mom gsengel nawahen du yóm kbooken.

Kem Udél Hlalak Tehe Selumun 3:13

Hyu nawan yóm tau deng baling hulung hedem ne tendo sen-galuhen yóm khulungen temnef.