Kem Udél Hlalak Tehe Selumun 8:4 - Udél Dwata: Gna Kesfasad ne Lomi Kesfasad

⁴ Yó utóm tabahen, monen, “Ebélê ye kem logi, gónóhu e tmaba. Tódô kdéen tau gónón e gbak nim udélu ni.

Kem Udél Hlalak Tehe Selumun 8:4 Referans Kwoze

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Matyu 11:15

Yóm tau wen klinguhen, hol hmungol.”

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Kem Udél Hlalak Tehe Selumun 8:3

Tmaba seblà bè yó kem lan husek e lem benwu bong ne tódô keten yó kem bak sut gónón e tmaba.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.