Kem Udél Hlalak Tehe Selumun 8:21 - Udél Dwata: Gna Kesfasad ne Lomi Kesfasad

²¹ Yó kem kembong nawa do sal gel blayu kul yóm mò kendengen le ne tódô hennoku kimu yóm gónô le.

Kem Udél Hlalak Tehe Selumun 8:21 Referans Kwoze

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Kem Udél Hlalak Tehe Selumun 24:4

Ne lemwót bè ketngónen gónón tódô ket du kimu mebtes ne tilob.

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Hibru 10:34

Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

Kem Udél Hlalak Tehe Selumun 1:13

Ke deng le matay gotu negef tekuy yó kem kimu mebtes le anì wen kimu lem gónô tekuy.

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

Kem Udél Hlalak Tehe Selumun 8:18

Béléu se gónón gu lemwót yóm kendengen laen tul ksideken ne yóm kdóyón, ne yóm ktedengen ne yóm kehyu klowil.

Kem Udél Hlalak Tehe Selumun 6:31

okóm ke sok gekfô le ewenem sana kehebtad le du bè yóm knagawen baluen ke gotu yóm kdéen kimu lem gónóen.

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Kem Udél Hlalak Tehe Selumun 15:6

Yóm tau tedeng kmoen tey wen kendengen lem gónóen, okóm yóm kun guta yóm tau gel mò sidek, tódô kmanas lemwót bè yó kem gfaen.

Kem Udél Hlalak Tehe Selumun 21:20

Yóm tau hulung hedem tey mdengen kken le ne tey wen kimu mebtes nô bè gónô le, okóm yóm tau book tódô namaen hekawang yóm kun.