Kem Udél Hlalak Tehe Selumun 8:13 - Udél Dwata: Gna Kesfasad ne Lomi Kesfasad

¹³ Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Kem Udél Hlalak Tehe Selumun 8:13 Referans Kwoze

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Kem Lingón 97:10

Tey kbong nawa Dwata kul yó kem tau kembê du yóm sidek. Sal gel bnenteyen yó kem tau teneb béléen. Lenwaen lu lem hólól yó kem tau mò sidek.

1 Samwél 2:3

Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.

Kem Udél Hlalak Tehe Selumun 4:24

Hol béi abay mò tulón seblékê ne béi se mò kéng.

1 Tisalunika 5:22

ne hol ye hlayuk du kuy yóm kdéen nmò sidek.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Kem Udél Hlalak Tehe Selumun 16:18

Yó nefet yóm tau hegmón duhen yóm keglà ne senged se yóm tau heklabak.

Kem Udél Hlalak Tehe Selumun 6:12

Són tendo mò tulón seblékê bè lanen mógów yóm tau gel mò sidek, yóm tau laen dù gónón e kól.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.

Kem Lingón 138:6

Balù yóm tey kegetahen yóm Dwata, ewenem sal gel sen-gifaen yó kem tau hulung heglaan, okóm hlayuk bè yó kem tau heklabak.

Kem Lingón 101:3

Là kóe móyô temngel du kihu yó kem nmò sidek. Tey keklitu du dou yó kem nmò le là tedengen yó kem tau là hemtahu bè Dwata. Là kóe móyô mò du dou yó kem gel nmò le yó.

Kem Udél Hlalak Tehe Selumun 10:31

Yóm kudél yóm tau tedeng kmoen gónón gfan yóm khulungen hedem, okóm yóm tau mò tulón seblékê heglaen knóen.

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Kem Udél Hlalak Tehe Selumun 15:9

Tey keklit Dwata du yóm kun kmò yóm tau gel mò sidek, okóm yóm tau hol sen-galuhen yóm ktedengen kenbong nawahen.

Kehewà 1:17

Okóm ni kem libun mwa ngà ni, wen klikò le ke Dwata. Là kô nimón le du yóm udél Faro ebélê le yó. Mom hlowil le lu yó kem ngà logi lomi sut.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”