Kem Udél Hlalak Tehe Selumun 8:1 - Udél Dwata: Gna Kesfasad ne Lomi Kesfasad

¹ Hnungolem. Yóm khulung hedem lemwót bè Dwata lómón ke tau tendo tmaba. Dalang se yóm khulung temnef, hgelen se kun udél.

Kem Udél Hlalak Tehe Selumun 8:1 Referans Kwoze

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Matyu 3:3

Nim Jan ni, du se gónón e gbak yóm mon yóm sotu tehe gna tugod Dwata ekni boluyen Isaya, yó monen, “Wen sotu tau tmaba gu bè tum benwu laen hol tau menwu du. Yó utóm tabahen, monen, ‘Eles hen-gifat ye yóm lan angat lolò yóm gónó tekuy mogot. Eles hentedeng ye yóm lan mò loloen.’ ”

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Mark 13:10

Bede nan glalag bè kdéen tau bè klamangen benwu he yóm Tulón Hyu yó, ominen yó kól yóm hol són kdaw.

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Kem Udél Hlalak Tehe Selumun 2:1

Ó Man, hol hnungolem yóm toloku kóm ne hol henlom nawam yó kem hlolou kóm.

Kem Udél Hlalak Tehe Selumun 3:1

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.