Kem Udél Hlalak Tehe Selumun 7:8 - Udél Dwata: Gna Kesfasad ne Lomi Kesfasad

⁸ Yó nmoen, mógów ebè gónón seblà nô yóm libun hdóyón. Ne yó tódô lanen miwes moni bè gónóen

Kem Udél Hlalak Tehe Selumun 7:8 Referans Kwoze

Sulat Jud 1:23

Ne yó kem dumu tau móyón gmung bè salà, géhél kendel skot ye lu dé, abay se hol lómón ke nô le lem ofi. Wen se kem dumu tau deng gebeng lem sidek. Hol knodu ye lu snéen, okóm hol ye temgama anì là gbót ye. Hol knutó nawa ye yó dum sidek gel nmò le.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

1 Kurin 6:18

Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.

Kem Udél Hlalak Tehe Selumun 7:12

Yó nmoen, tódô keten bè yó kem gónón wen tauhen mangat.

Kem Udél Hlalak Tehe Selumun 5:8

Holi hlayuk béléen yóm libun lómón ni ne hol béi abay hloni ebè gónóen.

Kmukum 16:1

Sotu kdaw, lemwót Samsun mógów ebè yóm sotu syudad yó kem Flistin boluyen Gasa. Bè yó gónón mton du yóm sotu libun hdóyón ne sentungóen.

Kem Udél Hlalak Tehe Selumun 7:27

Yóm kun gónô lómón ke lan ebè yóm gónó le nô yó kem tau matay ne ke mógówi e du matayi.