Kem Udél Hlalak Tehe Selumun 7:2 - Udél Dwata: Gna Kesfasad ne Lomi Kesfasad

² Hol nimónem yóm dou hlolò anì tahà ktauhem. Hol hentilobem mimón du abay se alì bong muhen yó kem toloku kóm.

Kem Udél Hlalak Tehe Selumun 7:2 Referans Kwoze

Kem Lingón 17:8

Hol kenlungem ou lómón keklungem yóm kóm mata. Bnosem ou bè olung yó kem hafakem.

Kun Snulat Jan 15:14

Weu yu ke nimón ye yóm hlauhu kuy.

Kem Udél Hlalak Tehe Selumun 4:4

gel tolok mà do, monen, “Hol suem lem hendemem yó kem hlolou kóm ne hol nimónem anì tahà ktauhem.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Kem Udél Hlalak Tehe Selumun 4:13

Hol negenem ne béem glus yó kem deng hlauhu kóm. Hol nabungem, yakà bè yó du gónón tahà ktauhem.

Dwata 32:10

Tehe tonen lu bè yóm benwu laen hol wen tauhen, yóm benwu balù udì ke wen mowil du. Són luk lenos gungolem bè yó. Bede yó nmò Dwata, kenlungen yó kem kun tau ne sen-gyoken lu. Lómó kesgifaen kul lómón ke kimu alì mebtes béléen.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Kem Udél Hlalak Tehe Selumun 4:21

Béem kó te henmuem ni kem ni ne hol suem lem hendemem.

Kem Lingón 119:144

Hono tedeng yó kem hloloem kum. Hol benlayem o khulung temnef anì mowile.

Jirimaya 38:20

Okóm yó balà Jirimaya ke Sidikaya, monen, “Là. Là kô blay le kóm yó kem sendalù Babilun elem hólól le ke nimónem yóm deng mon Dwata mò kóm. Ke nimónem, là kói matay ne angat hyu kógów klowilem.