Kem Udél Hlalak Tehe Selumun 6:8 - Udél Dwata: Gna Kesfasad ne Lomi Kesfasad

⁸ ewenem sana kwen ken eles sentifun le mò eles tgama le bè yóm kdawen élél ken.

Kem Udél Hlalak Tehe Selumun 6:8 Referans Kwoze

Kem Udél Hlalak Tehe Selumun 10:5

Kesok deng gefet huluhen yóm tau hulung milô eles gel sentifunen yó kem tbasen, okóm yóm tau tlek kun tungô bè yóm igò muta henyaken knóen.

1 Timuti 6:19

Ke ni se nmò le, lómón ke deng wen kul ten-ginof eles henyu bè longit, anì duhe kóm, angat guta le yóm klowil hol tahu duhen.

Kem Udél Hlalak Tehe Selumun 30:25

Ni sii lu: yó kem gulom balù yóm klaen dù kgis le ewenem sana eles kwen ken sentifun le bè yóm kdawen wen ken mò tgama le bè yóm kdawen laen dù ken.

Kem Udél Hlalak Tehe Selumun 6:9

Ó tau lemfu, mò kegenen de yóm ktungóem? Kilón de kebtikem?

Kem Udél Hlalak Tehe Selumun 27:27

Ne bè yóm gatas yó kem dù tubidem gónó ye ma mò bè kken ye ne gomong yó kem ngà libun mò nmò béléem.