Kem Udél Hlalak Tehe Selumun 6:6 - Udél Dwata: Gna Kesfasad ne Lomi Kesfasad

⁶ Ó tau lemfu, yake hol dnalangem kul kmò yó kem gulom ne holi hfulung hedem.

Kem Udél Hlalak Tehe Selumun 6:6 Referans Kwoze

Kem Udél Hlalak Tehe Selumun 20:4

Yóm tau lemfu là kô tenblaen du yóm bantang kdaw kehyu dmadu. Yó gónóm mon bè yóm kdaw kuta tódô tô mebel okóm laen dù tonen.

Kem Udél Hlalak Tehe Selumun 18:9

Yóm tau là teneben mò du yóm kun nmò hol lómón ksideken yóm kul kmò yó kem tau gemlà.

Kem Udél Hlalak Tehe Selumun 6:9

Ó tau lemfu, mò kegenen de yóm ktungóem? Kilón de kebtikem?

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

Kem Udél Hlalak Tehe Selumun 13:4

Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Matyu 25:26

Mung kudél yóm gónóhen mogot, monen, ‘Teyi bakà yóm uu. Alii mduk. Igoem sem deng mon du gel nutahu yóm là dou hulu du ne yóm là dou leniteg du.

Kem Udél Hlalak Tehe Selumun 30:25

Ni sii lu: yó kem gulom balù yóm klaen dù kgis le ewenem sana eles kwen ken sentifun le bè yóm kdawen wen ken mò tgama le bè yóm kdawen laen dù ken.

Sulat Pol Ebè Yó Kem Tau Hemtahu Bè Rom 12:11

Hotu ye gel ye mò nmò, bê ye abay hduk. Hotu ye nawa ye mò du yóm hmoen kuy yóm gónó ye mogot.

Kem Udél Hlalak Tehe Selumun 21:25

Yóm sen-galu nawa yóm tau lemfu yó se yóm hmatay du yakem móyô mò nmò se.

Kem Udél Hlalak Tehe Selumun 19:15

Yóm kefu tau mit du lemnga ne lemwót bè kduken mò nmò gónón glayam bitil.

Kem Udél Hlalak Tehe Selumun 22:13

Yóm tau lemfu tódô kem mngak liyun hekawang, monen, “Mataye mni ke hewae.” Mò dawahen anì là moen nmò.

Kem Udél Hlalak Tehe Selumun 10:26

Ngilów yóm tau bè yóm msom ne des matahen bè kebel lómón se ni yóm khulówem bè yóm tau lemfu.

Kem Udél Hlalak Tehe Selumun 19:24

Yóm tau lemfu olon mnok te huyówen ne là dog gsungiten du kenen.

Matyu 6:26

Tenngel ye dé yó kem onuk koyu. Laen kô hulu le, ne laen se kô dù bang nuta le, ne laen se kô dù fol le. Bede tódô wen gel htukóen kul yóm Mà tekuy bè longit. Milud he yó dum kuy, igoen bong kuy mu senta yó kem onuk koyu.

Kem Udél Hlalak Tehe Selumun 15:19

Yóm kun klowil yóm tau lemfu, lómón ke yóm lan tódô tfeng sual, okóm yóm kun klowil yóm tau tedeng kmoen, lómón ke yóm lan tódô mló.

Kem Udél Hlalak Tehe Selumun 1:17

Yóm onuk là kóen na a bkó tébéd ke igoen temngel yóm knaken du yóm tau mò du.

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Kem Udél Hlalak Tehe Selumun 23:19

Hol hnungolem, Man, ne hfulungi hedem ne hol suem lem hendemem yóm kmò kwitem ktauhem bè kehyuhen.

Kem Udél Hlalak Tehe Selumun 30:24

Wen fat bè yó kem lemnek lemanaf te tonok, okóm gfan bélê le yóm alì khulung le hedem.

Kem Udél Hlalak Tehe Selumun 10:4

Gel baling élél yóm tau mduk, okóm yóm tau mefesek baling wen kendengenen.