Kem Udél Hlalak Tehe Selumun 6:3 - Udél Dwata: Gna Kesfasad ne Lomi Kesfasad

³ Ke lómón yó nmoem, Man, dengi gnô lem hólólen ne yóm tau yó. Okóm ni dé kmoem du anì wen lanem lemwà knóem; holi géhél mógów ebéléen ne hol henkoduhem anì hewaen u.

Kem Udél Hlalak Tehe Selumun 6:3 Referans Kwoze

Sulat Jim 4:10

Heglaan ye dé bè yóm gónó ye mogot, du he hegeta kuy.

Kem Lingón 31:8

Là kô blayem dou elem hólól yó kem hohonu, deng suem ou bè yóm gónón laen dù hemenu.

2 Tutul Israél 36:12

Deng mom nmò Sidikaya yóm hono sidek bè kton Dwata du, yóm kun Dwata hol gónó mogot, ne là hnungolen du yóm udél hwit Dwata ebéléen hlanen bè Jirimaya yóm tau tugod Dwata, ne là kóen móyô heglaan béléen.

2 Tutul Israél 12:5

Omin Simaya yóm tau tugod Dwata mógów ebè Rihubuam ne ebè yó kem genlalen deng gotu mlóy ebè Jirusalim lemwót bè yóm deng nmò Sisak. Mon Simaya mò kul, “Ni se udél Dwata ebélê ye. Deng tebel ye ou, duhen yó, tebelu yu lem hólól Sisak.”

2 Samwél 24:14

Omin Dabid mon du mò ke Gad, “Tey sidek kgelen béléu se nim ni. Mom hyu ne ke Dwata tmafak kum, abay se hulung kmodu. Bée dou ke tau tmafak do.”

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kem Udél Hlalak Tehe Selumun 6:2

Dengi gholot kô bè yó kem udélem ne glolò le yóm hmóyóem kul?

Kem Udél Hlalak Tehe Selumun 6:4

Béi tlek kendel tungô duhen ke hegnô