Kem Udél Hlalak Tehe Selumun 6:12 - Udél Dwata: Gna Kesfasad ne Lomi Kesfasad

¹² Són tendo mò tulón seblékê bè lanen mógów yóm tau gel mò sidek, yóm tau laen dù gónón e kól.

Kem Udél Hlalak Tehe Selumun 6:12 Referans Kwoze

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Kem Udél Hlalak Tehe Selumun 16:27

Yó kem tau laen dù gónó le e kól són mò le matul mò sidek ne yóm kudél le lómón ksideken yóm mluf bè ofi.

Kem Udél Hlalak Tehe Selumun 4:24

Hol béi abay mò tulón seblékê ne béi se mò kéng.

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

Kul Nmò 20:30

Ne angat wen kdawen,” monen, “angat wen lemwót bè kuy kwen angat tmolok sekban, kóyô le ke gmung bélê le yó kem tau hemtahu.

Kem Udél Hlalak Tehe Selumun 17:4

Yóm tau gel mò sidek gel hnungolen yóm tau mudél sidek ne yóm tau gel tmulón kéng gel henklinguhen yóm udél hensideken kem dumu tau.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Kem Lingón 59:7

Hnungol ye dé yóm udél le hemnê ne udél le móló hmatay. Yóm udél le yó, hol lómón ke sudeng sbalà bak. Yó hendem le, “Laen kô dù tau gmungol kum.”

Sulat Jim 3:6

Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.

Kem Udél Hlalak Tehe Selumun 11:6

Yóm kul ktedeng yó kem tau gsalig yó se hegewà kul gu lem yó kem sidek, okóm yó kem tau là gsalig kul, gholot le bè yóm sidek alì nusol nawa le.

Kem Udél Hlalak Tehe Selumun 6:14

Laen kô dumu nô lem hendemen, són moen tendo matul mò sidek ne balù kihu lanen mógów són moen sembeweg kem tau.

Kem Udél Hlalak Tehe Selumun 2:12

Kenlung le u bè yóm tau gel mò sidek ne bè yó kem tau mò tulón seblékê

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Kem Lingón 10:7

Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Sulat Jim 1:21

Yó gónóm mon, hol kó ye yó kem kdê gel nmò ye là mólósen, ne yó kem dumu sidek gel nmò ye. Nimón ye Dwata dé, ne henmóyô ye yóm udélen deng hnóen lem hendem ye, kaem yó se gembek hegewà kuy gu lem hatay.

Jirimaya 24:2

Yóm sotu abì tonu tódô hnok fig mélél lemen. Okóm yóm sotuhen hono bolok yóm fig nô lemen, là bud hyu mken du.

1 Samwél 17:28

Okóm gungol Ilyab yóm twogu Dabid, yóm kestulón Dabid bè yó kem tau yó ya tey sidek kebuten du, yó monen mò du, “Moen du ke nói bè ni? Tau du se hbenteyem yó kem ubiha là wen ditu bè yóm benwu laen hol wen tauhen? Tngónu se yóm tey kehegmónem ne yóm sidek gel nô lem hendemem. Yó nógówem olom temngel sfatay.”

Kem Udél Hlalak Tehe Selumun 10:32

Sok mudél yóm tau tedeng kmoen sal nan na hendem yóm knóón bè kem dumun, okóm yóm tau gel mò sidek sal gel seblékê kudélen.

Kem Lingón 101:3

Là kóe móyô temngel du kihu yó kem nmò sidek. Tey keklitu du dou yó kem nmò le là tedengen yó kem tau là hemtahu bè Dwata. Là kóe móyô mò du dou yó kem gel nmò le yó.

Kem Udél Hlalak Tehe Selumun 3:32

Yakà gel kenlit Dwata kul yó kem tau là tedeng kmò le, okóm sen-gbóten yó kem tau tedeng kmò le.

Kem Udél Hlalak Tehe Selumun 16:30

Tódô gfan bè uyó kem tau yóm katul le mò sidek ne tódô dilô bè kekdol sumóng le yóm deng kmò le sidek.