Kem Udél Hlalak Tehe Selumun 5:6 - Udél Dwata: Gna Kesfasad ne Lomi Kesfasad

⁶ Mom là kô hendemen du yóm lan gónón mowil, là kóen temnù ne là se dilóen du ke tedu ulék yóm nmoen.

Kem Udél Hlalak Tehe Selumun 5:6 Referans Kwoze

Kem Udél Hlalak Tehe Selumun 4:26

Hol eles hendemem yóm kmò klanem ne balù kihu yóm nmoem sal hyu.

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

Kem Udél Hlalak Tehe Selumun 30:20

Ni se kun kmò yóm libun mdà yehen: sok deng kkenen olon mifu sumóngen ominen mon du, ‘Laen kô deng nmou sidek.’

Kem Udél Hlalak Tehe Selumun 5:21

Yakà gotu ton Dwata du yóm kdê nmò te ne tendo hendemen yóm kdê lan te.

Kem Lingón 119:59

Ke henklolu yóm dou kmò, fasadu kóm yóm klolou yó kem hloloem do.

Kem Udél Hlalak Tehe Selumun 11:19

Tahà ktauhen yóm tau sal gel nmoen yóm ktedengen, okóm yóm tau són moen mò sidek hukolen ktauhen.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.

Kem Udél Hlalak Tehe Selumun 2:19

Laen kô dù tau mógów ebéléen bud gulék ne là se buden gesfulék ebè yóm sana kun klowil.

Kem Udél Hlalak Tehe Selumun 9:13

Yóm kbook lómón ke yóm libun mlos laen dù yaken ne laen dù mtukul gónón henek.