Kem Udél Hlalak Tehe Selumun 5:2 - Udél Dwata: Gna Kesfasad ne Lomi Kesfasad

² anì hulungi mit du hyu yóm kmoem ne dilô bè kudélem yóm ketngónem.

Kem Udél Hlalak Tehe Selumun 5:2 Referans Kwoze

Kem Udél Hlalak Tehe Selumun 16:23

Yóm tau hulung hedem tey ten-gamahen yóm kmò kudélen ne lemwót bè yóm khulungen mudél gónón gbóy tau.

Kem Udél Hlalak Tehe Selumun 15:7

Hbólen yóm ketngón yóm kun kudél yóm tau hulung hedem, okóm fen là kun yóm tau book.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Kem Udél Hlalak Tehe Selumun 10:21

Tey wen gónón gemtóbóng kem dumun yóm kun udél yóm tau tedeng kmoen, okóm yóm tau book là kóen tahà ktauhen lemwót bè là khulungen hedem.

Kem Lingón 119:13

Angat tendo gel sensulit monu yó kem deng hlauhem kum.

Kem Lingón 71:15

Tulónu bè kdéen tau hono tedeng yó kem nmoem. Snilefu kdaw heglalag du yóm nawam lemwà tau, balù yóm là hol gotu ketngónu du yóm kdê deng gel nmoem béléu.

Kem Lingón 45:2

Uu se, yóm hol knóón logi bè kdéen. Yó kem udélem, hono gemtóbóng bè kem dumuhem, abay se laen kô tul sónen yóm tendo któbóng Dwata kóm.

Kem Udél Hlalak Tehe Selumun 20:15

Yóm udél yóm tau temngón hol mkay senta yóm tahu blówón ne yó kem kimu mebtes.

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.