Kem Udél Hlalak Tehe Selumun 5:16 - Udél Dwata: Gna Kesfasad ne Lomi Kesfasad

¹⁶ Ke wen ngaem gu laan laen kô ofolem kul.

Kem Udél Hlalak Tehe Selumun 5:16 Referans Kwoze

Kem Lingón 128:3

Yóm tuha libunem, lómón ke hulu alì mungu mteg bè lósólem. Yó kem ngaem logi myón hilol lemisahem, hol lómón ke koyu ulib tilob ktowok le.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Kem Lingón 68:26

Yu kem tau Israél, hol dóyón tekuy Dwata. Hol dóyón tekuy Dwata, du se gónón tembul yóm klowil tekuy.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Kem Udél Hlalak Tehe Selumun 5:15

Hol tnenebem tuha libunem ne yake sónen du kenbong nawahem.

Kem Udél Hlalak Tehe Selumun 5:17

Yake tódô lenok le tmóbóng kóm yó kem ngaem ne béen mom bè yó kem tau milo.

Kem Udél Hlalak Tehe Selumun 5:18

Yó gónóm mon, holi tódô hligal du yóm sana yehenem ne són béléen gónóm hegsengel nawahem.

Kem Udél Hlalak Tehe Selumun 9:17

“Tey mnóm minum du yóm él hennagaw ne tey mnóm se yóm gel kenem bè gónón gebnos.” Ni se koni yó kem udélen mgoy yóm kbook.