Kem Udél Hlalak Tehe Selumun 5:12 - Udél Dwata: Gna Kesfasad ne Lomi Kesfasad

¹² Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.

Kem Udél Hlalak Tehe Selumun 5:12 Referans Kwoze

Kem Udél Hlalak Tehe Selumun 12:1

Yóm tau móyô hnau nóyóen yóm ketngón, okóm yóm tau kenbéen yóm kbólów du, book.

Kem Udél Hlalak Tehe Selumun 15:5

Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

Kem Udél Hlalak Tehe Selumun 1:25

Ne mom knogol ye yóm dou hlau ne là se kô ye móyô htolok.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Udél Hlalak Tehe Selumun 13:18

Baling élél ne henyaken knóen yóm tau là kenmónen yóm kehlau le du, okóm yóm tau kenmónen yóm kbólów le du, megdóyón.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Kem Lingón 73:22

Tey là hyuhen tum kehedemu tu, lómón tóe knawa ógóf, laen dù tngónu. Là dog naw hentukul du yóm kóm kmò.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

2 Tutul Israél 25:16

Okóm yóm igoen tolo mudél, yóm tau Dwata yó, tódô kendel tenbleng yóm tau hol geta, monen, “Deng nélék me uu kô mò gónón hmungol hlau yóm tau hol geta? Béi abay bud mudél, déke hfatayu uu.” Duhen yó, tódô mulék yóm tugod Dwata yó, bede wen eles hetgamahen yóm tau hol geta, monen, “Tngónu deng eles nô bè nawa Dwata ne gemlà kóm bè nim nmoem ni, là kô dog hnungolem du yóm hlauhu kóm.”

Tekang Kbuten 19:9

Okóm mom yó mon le, “Béem tô henseng mi. Olom tau milo ebè ni kóm. Moen ke tô hnauhem mi? Milud he ksideken yóm nmò me béléem ke tô hensengem mi.” Tódô tulud le Lat yó kem tau yó, kóyô le ke genbà le yóm tikeb bak dólen.

Kem Udél Hlalak Tehe Selumun 6:23

Yóm kul hlau lómón ke solok alì mtataw nóngen ne yóm kul kestódô kóm toloken kóm yóm klowil hyu.

Kem Udél Hlalak Tehe Selumun 5:11

Tey keheslafem yóm móyón kehtohem ne hol lómón ke són tiol ne kulit tebel béléem.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Udél Hlalak Tehe Selumun 10:17

Tahà ktauhen yóm tau kenmónen yóm kehlau le du, okóm yóm tau kenbéen yóm kehlau le du htabagen knóen.