Kem Udél Hlalak Tehe Selumun 4:7 - Udél Dwata: Gna Kesfasad ne Lomi Kesfasad

⁷ Yóm khulung hedem alì lemyu bè kdéen. Yó gónóm mon, hol hegna nwahem bè nawam yóm khulung hedem ne balù kihu dumu nwahem hol nam na hegna nwa yóm khulung temnef.

Kem Udél Hlalak Tehe Selumun 4:7 Referans Kwoze

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Kem Udél Hlalak Tehe Selumun 21:6

Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.

Kem Udél Hlalak Tehe Selumun 4:5

Hol béem abay klifót ne béem abay knogol yó kem monu. Nwahem bè nawahem yóm khulung hedem ne khulung temnef.

Kem Udél Hlalak Tehe Selumun 8:23

Gu laanen là deng wen benwu he deng sana yó ne nim ou.

2 Tutul Israél 1:10

Benlayem ou khulung hedem ne ketngón anì tilob kogotu kul ni kem tau ni. Laen kô dù tau gembek mogot kul yó kem kóm tau wen yó ke tek sotuhen.”

Kem Udél Hlalak Tehe Selumun 2:4

Hol hen-gelem mebel du yóm khulung hedem lómón yóm gel kebelem tembaga futì ne dumu kimu mebtes gebnos.