Kem Udél Hlalak Tehe Selumun 4:5 - Udél Dwata: Gna Kesfasad ne Lomi Kesfasad

⁵ Hol béem abay klifót ne béem abay knogol yó kem monu. Nwahem bè nawahem yóm khulung hedem ne khulung temnef.

Kem Udél Hlalak Tehe Selumun 4:5 Referans Kwoze

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

2 Tutul Israél 34:2

Bè ket nmoen, tey tedeng kton Dwata du, ne tódô loloen yóm tehe kun kmò yóm tehe fuen Dabid, sal loloen yóm tedeng.

Kem Udél Hlalak Tehe Selumun 19:8

Yóm tau ma yóm khulung hedem henyuhen klowilen ne yóm tau hol msù du bè nawahen yóm khulung temnef, hyu klowilen.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Lingón 44:18

Là kô knogol me kóm. Là se deng senya me du yóm kóm lan.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Kem Udél Hlalak Tehe Selumun 18:1

Yóm tau là hulungen swè olohen hemdem yóm kun knô ne gel hnebelen lanen sembólów kdê yó kem nmò tedeng.

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Kem Lingón 119:157

Tey dê kem hohonu hemsidek do, okóm là kô knogolu du yó kem hloloem kum.

Kem Lingón 119:51

Tey kehwog le do yó kem tau heklabak, okóm là kô naw e knogol du yó kem hlauhem.

Kem Udél Hlalak Tehe Selumun 3:1

Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.

Kem Udél Hlalak Tehe Selumun 4:7

Yóm khulung hedem alì lemyu bè kdéen. Yó gónóm mon, hol hegna nwahem bè nawam yóm khulung hedem ne balù kihu dumu nwahem hol nam na hegna nwa yóm khulung temnef.