Kem Udél Hlalak Tehe Selumun 4:3 - Udél Dwata: Gna Kesfasad ne Lomi Kesfasad

³ Bè yóm hanà kegenu ngà ekni tek són o ngà yê. Ne yóm tolo keglébédu bélê le

Kem Udél Hlalak Tehe Selumun 4:3 Referans Kwoze

1 Tutul Israél 22:5

Yó udél Dabid, monen, “Hanà tolo ngà he yóm ngau Selumun, ne laen dù deng glanen. Bè yóm kehdà tekuy yóm Gónô Dwata, hyu ke hol tilob, ne hol tótól bè yó kem benwu hmilol tekuy. Yó gónóhu hol eles semtifun yó kem ngomen.” Yó gónóm mon, gu laan Dabid là deng matay, deng eles sentifunen yóm kdê ngom bè kehdà le yóm Gónô Dwata, ne ya tey kwenen.

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

1 Tutul Israél 29:1

Omin Dabid mudél ebè yóm kdéen tau deng stifun bè yó, monen mò kul “Deng nélék Dwata yóm ngau Selumun mò tles tau hol geta bè Israél, bede hanà tolo ngà he, ne laen deng hol glanen. Tey bong yóm angat nmoen, abay se yóm Gónô hdaen, là kô gónô tau du, kaem gónô yóm Dwata hol gónó mogot.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.