Kem Udél Hlalak Tehe Selumun 4:23 - Udél Dwata: Gna Kesfasad ne Lomi Kesfasad

²³ Hol ten-gamahem bè kdéen yóm kmò kógów kehedemem, yakà bè kóm kehedem du gónón lemwót yóm kóm kmò.

Kem Udél Hlalak Tehe Selumun 4:23 Referans Kwoze

Kun Snulat Luk 6:45

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Kem Udél Hlalak Tehe Selumun 23:19

Hol hnungolem, Man, ne hfulungi hedem ne hol suem lem hendemem yóm kmò kwitem ktauhem bè kehyuhen.

Kem Udél Hlalak Tehe Selumun 28:26

Book yóm tau tódô doen yóm kun kehedem, okóm yóm tau hulung hedem gewà bè yóm sidek.

Mark 14:38

Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Kem Udél Hlalak Tehe Selumun 4:7

Yóm khulung hedem alì lemyu bè kdéen. Yó gónóm mon, hol hegna nwahem bè nawam yóm khulung hedem ne balù kihu dumu nwahem hol nam na hegna nwa yóm khulung temnef.

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Udél Hlalak Tehe Selumun 22:5

Yóm tau là btol kehedemen tey dê gónón btang ne gholot ne yóm tau eles mabung hlayuk bè yó kem sidek.

Kem Udél Hlalak Tehe Selumun 11:16

Gel gutahen kegdóyónen yóm libun hyu kmoen, okóm là kun yóm tau gel hmugus olon gmuta kendengenen.

Matyu 15:18

Okóm yóm sidek kebkó gel btang bè sumóng yóm tau, hono lemwót lem hendemen, ne yó se mit du là mólós bè Dwata.

Kem Udél Hlalak Tehe Selumun 16:17

Knogolen yóm sidek yóm kun kmò klan yóm tau tedeng kmoen ne yóm tau ten-gamahen kmoen, henyuhen klowilen.