Kem Udél Hlalak Tehe Selumun 4:16 - Udél Dwata: Gna Kesfasad ne Lomi Kesfasad

¹⁶ Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Udél Hlalak Tehe Selumun 4:16 Referans Kwoze

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Mika 2:1

Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.

Isaya 57:20

Okóm kul yó kem tau gel mò sidek, hol le mkél bè lewók mohin là kóen menek, tendo mit fól ne kluon ebè kilil.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Kun Snulat Luk 22:66

Tikóng deng mwas bè yó, omin le mit ke Jisas ebè yó kem tau hol geta mogot kukum. Gotu le nô bè yó yó kem tuha gónó le gel galak yó kem Ju, ne yó kem tau hol geta bè yó kem gel demsù ebè Dwata kkólen bè yó kem tau gel tmolok hlau.

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Kem Udél Hlalak Tehe Selumun 4:15

Hol senyatem yóm kul lan yó ne béi abay mlan e du. Hol senyahem ne tódô henlósem yóm kóm klan.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Kem Udél Hlalak Tehe Selumun 2:14

Ne bud kenlung le u se bè yó kem tau mom hyu nawa le mò salà ne mom hnigal le yóm alì ksidek kmò le

Jirimaya 9:4

“Elesi temgama bè yóm dumuhem sebét. Hol béem snalig yóm hol dumum sulil-lem. Yakà tódô kdê le du hulung smukat, ne kdê le sal gel tnulón le kéng kem wè le.

Kul Nmò 24:7

Mom tódô nalaw yó kem sendalù Kmandér Lisiyas bélê me,