Kem Udél Hlalak Tehe Selumun 4:14 - Udél Dwata: Gna Kesfasad ne Lomi Kesfasad

¹⁴ Béem lolò yóm kul lan yó kem tau mò sidek ne béem dnalang se yóm kul kmò.

Kem Udél Hlalak Tehe Selumun 4:14 Referans Kwoze

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

Kem Udél Hlalak Tehe Selumun 1:15

Ó Man hol béi abay mung kul ni kem tau lómón ni ne holi hlayuk bélê le.

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Kem Udél Hlalak Tehe Selumun 4:15

Hol senyatem yóm kul lan yó ne béi abay mlan e du. Hol senyahem ne tódô henlósem yóm kóm klan.

Kem Udél Hlalak Tehe Selumun 5:8

Holi hlayuk béléen yóm libun lómón ni ne hol béi abay hloni ebè gónóen.

Kem Udél Hlalak Tehe Selumun 7:8

Yó nmoen, mógów ebè gónón seblà nô yóm libun hdóyón. Ne yó tódô lanen miwes moni bè gónóen

Kem Udél Hlalak Tehe Selumun 22:25

Déke gdalangem yóm kun kmò ne yó gónóm gholot ne là bud gmoem du yóm hyu.

Kem Udél Hlalak Tehe Selumun 24:1

Béem hendémê yóm kul kmò klowil yó kem tau gel mò sidek ne béi se tô mit swè bélê le.