Kem Udél Hlalak Tehe Selumun 4:13 - Udél Dwata: Gna Kesfasad ne Lomi Kesfasad

¹³ Hol negenem ne béem glus yó kem deng hlauhu kóm. Hol nabungem, yakà bè yó du gónón tahà ktauhem.

Kem Udél Hlalak Tehe Selumun 4:13 Referans Kwoze

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

1 Tisalunika 5:21

okóm hol henklol ye ke tahu lemwót béléen. Ke hyu, henmóyô ye

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Kul Nmò 2:42

Tódô nbuten bè yó, sónmò le gel htolok bè yó kem hógów Jisas. Tódô le gotu segbót bè yó kem dumu le hemtahu, ne gotu le slomong snéen bè yóm kmò le du yóm ken hemtulón nawa yóm katay Jisas. Dalang se bè yóm gel kni le bè Dwata, gotu le segmung.

Kun Snulat Jan 6:68

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.

Kem Udél Hlalak Tehe Selumun 3:22

Yakà lu du gónón lemwót hyu klowilem ne heklóón yóm kóm kmò.

Tekang Kbuten 32:26

Yó mon yóm tau mò ke Jakub, “Kóhem ou ne, abay se deng móyón mwas.” Mon Jakub se, “Là kô kóhu kóm ke là nan wen oluhem dou.”

Kun Snulat Jan 6:63

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Kem Udél Hlalak Tehe Selumun 6:23

Yóm kul hlau lómón ke solok alì mtataw nóngen ne yóm kul kestódô kóm toloken kóm yóm klowil hyu.

Kem Udél Hlalak Tehe Selumun 8:35

Yakà yóm tau mton do tonen se kehyu klowilen ne gutahen yóm kehyu nawa Dwata ebéléen.

Kem Udél Hlalak Tehe Selumun 10:17

Tahà ktauhen yóm tau kenmónen yóm kehlau le du, okóm yóm tau kenbéen yóm kehlau le du htabagen knóen.