Kem Udél Hlalak Tehe Selumun 4:11 - Udél Dwata: Gna Kesfasad ne Lomi Kesfasad

¹¹ Deng gotu toloku kóm yóm lan ebè yóm khulung hedem ne deng nalaku u bè yóm lan ebè yóm ktedeng kmò.

Kem Udél Hlalak Tehe Selumun 4:11 Referans Kwoze

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

Kem Udél Hlalak Tehe Selumun 8:9

Ni kem udélu ni tey mtukul bè yó kem tau hulung temnef ne tedeng bè yó kem tau temngón.

Kem Udél Hlalak Tehe Selumun 8:6

Hnungol ye, wen tey knóón tulónu kuy ne kdéen lemwà gu lem baku hono tedeng.

Kem Lingón 23:3

Sal gel hnomihen kgisu. Ne tendo sen-galaken ou anì glolou yóm lan tedeng, anì hol megdóyón yóm kun boluy.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Kem Udél Hlalak Tehe Selumun 4:4

gel tolok mà do, monen, “Hol suem lem hendemem yó kem hlolou kóm ne hol nimónem anì tahà ktauhem.

Kul Nmò 13:10

“Tauhi Seitan nim uu. Hohonem yó kem kdéen hyu. Són nô bè nawahem yóm ksukatem kem tau. Deng mom henkéngem yóm hol ktahuhen lemwót bè Dwata.

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Kem Udél Hlalak Tehe Selumun 2:20

Okóm uu, lemwót bè yóm khulungem hedem hol loloem yóm kul kmò yó kem tau tedeng kmò le ne hol hentedengem yóm kóm kmò klowil.