Kem Udél Hlalak Tehe Selumun 3:9 - Udél Dwata: Gna Kesfasad ne Lomi Kesfasad

⁹ Hol nadatem Dwata mlan bè keblayem du du yóm alì hyu bè kdê yó kem huluhem gefet.

Kem Udél Hlalak Tehe Selumun 3:9 Referans Kwoze

1 Kurin 16:2

Tódô ket Akad ye eles hetfing du yóm kuy gbek blay, yóm ket kuy na sotu, lemwót bè yóm filak gel guta ye. Eles sentifun ye anì là tlek bud snólóku du soke kól dyó.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

Kehewà 34:26

Tódô ket halay ye mit du ebè Gónô Dwata yóm tanay nuta ye. Bê ye tnógó bè él tutù yéen yóm ngà ubiha duhen ke yóm ngà kambing.”

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

2 Tutul Israél 31:21

Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.

Kem Lingón 144:13

Kólen bè yó kem tebungus me, hol le hnok he. Dalang se yó kem ubiha me bè yóm gónó le mótób, hol le mból he nsóhem bè libuhen, baluen ke nsóhem bè sfolò libuhen.

Kem Udél Hlalak Tehe Selumun 11:25

Hyu klowilen yóm tau bkas nawahen ne yóm tau ten-gelen kem dumun bud wen se temgel du.

Isaya 43:23

Là dog ye mit ebéléu yó kem ubiha hkekeb ye mò blay ye do. Là dog nadat ye do ke hlan ye bè yó kem dumu gel dsù ye. Là kô henblatu du nawa ye ke hol benlay ye o mò basa ye do. Laen kô gónó ye tmakas béléu ke lemwót bè tendo knihu bélê ye insinsu mò ntem ye ebéléu.

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

2 Tutul Israél 31:10

Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.