Kem Udél Hlalak Tehe Selumun 3:6 - Udél Dwata: Gna Kesfasad ne Lomi Kesfasad

⁶ Balù nô kihu nmoem nam na gel setngón ke Dwata ne du he malak kóm bè yóm lan tedeng.

Kem Udél Hlalak Tehe Selumun 3:6 Referans Kwoze

Kem Udél Hlalak Tehe Selumun 16:3

Hogotem ke Dwata yó kem nmoem ne wen gónón e kól yó kem atulem.

Kem Lingón 32:8

Deng mon Dwata mò dou, “Toloku kóm he yóm lan mò loloem. Ne wen mò hlolou kóm, ne tendo wen hlauhu kóm.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Kem Udél Hlalak Tehe Selumun 16:9

Yóm tau, du fen matul hemdem mò du yóm kun kmò klan, okóm Dwata fen malak du bè yóm kmoen du.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Kulasi 3:23

Balù kihu nmò ye, hol hotu ye nawa ye mò du, hol lómón ke bè gónó tekuy mogot yóm gónó ye mò du, là bè tau du.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kem Udél Hlalak Tehe Selumun 23:17

Béem hendémê kul kmò klowil yó kem tau gemsalà, okóm hol henlomem kmikò ke Dwata bè klawihem mowil.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

1 Samwél 30:8

Omin Dabid smólók ke Dwata, “Ktesu lu kô ni kem tau mundug ni? Angat gutahu lu kô?” Ne yó balà Dwata du, monen, “El, ktesem lu. Angat gotu bud gwa ye yóm kdê deng negef le bélê ye.”

Isaya 45:13

Bud ou se gónón lemwót yó kem angat nmò Sirus anì dohò yó kem atulu hlanu bè ktedengen. Ne angat hentedengu he yó kem ket lan loloen. Mlan béléen yóm bud klomi kdà yóm syudad Jirusalim. Bud mlan béléen snéen yóm bud kegewà yó kem dou tau tehe negef le. Yóm angat nmò Sirus yó, là mlanen bè ksukéy tau du duhen ke wen filak bong blay le du.” Ni se udél yóm Dwata laen dù là gbeken du.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Isra 7:27

Yó mon Isra, “Hol dóyón tekuy Dwata yóm sana Dwata hol gónó le mogot yó kem tehe fù tekuy. Tódô lemwót béléen nim nmò nim tau hol geta ni, yóm tey kadaten yóm Gónô Dwata bè Jirusalim.

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

Lista 9:20

Wen se kdawen olon hilu kdaw nô ta yóm Gónô Dwata yóm lobun yó. Bè ktahuhen, tódô lolò le kógów yóm lobun. Ke kmamfù le duhen ke mógów le sal lemwót bè kimón le yóm hlolò Dwata kul.

Kem Udél Hlalak Tehe Selumun 11:5

Lemwót bè yóm kun ktedeng yóm tau laen dù belenen mit du ebè kehyuhen, okóm yóm tau gel mò sidek lemwót bè yóm sidek gel nmoen mit du meglà.

Jirimaya 42:3

Hkoduhi kut bè yóm sana kut Dwata hol gónó mogot anì tngón me yóm kun kóyô bè yóm angat nmò me ne ke tedu gónó me e solu.”

Isaya 26:7

Tey hyu, Dwata, yóm lan nmoem bè yó kem tau hyu kmò le, tey sdatal yóm lan lolò le.