Kem Udél Hlalak Tehe Selumun 3:5 - Udél Dwata: Gna Kesfasad ne Lomi Kesfasad

⁵ Hol hewótem lem but blututem yóm ksaligem ke Dwata, béem abay genléd nawa yóm kóm khulung temnef.

Kem Udél Hlalak Tehe Selumun 3:5 Referans Kwoze

Kem Lingón 37:5

Hogotem ke Dwata klowilem. Holi smalig béléen, ne tnóbóngen u.

Kem Udél Hlalak Tehe Selumun 28:26

Book yóm tau tódô doen yóm kun kehedem, okóm yóm tau hulung hedem gewà bè yóm sidek.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 37:7

Hol hanayem nawam mangat du yóm któbóng Dwata kóm, béi htakas. Béem kenteng mata yó kem tau deng hyu kul kógów klowil, duhen ke yó kem tau deng wen gónón e baling yó kem sidek gel natul le.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

Kem Udél Hlalak Tehe Selumun 22:19

Kóyóu ke hol snaligem Dwata ne ni se yóm hetngónu kóm ni.

Kem Udél Hlalak Tehe Selumun 23:4

Béem són henlom nawa yóm kwen kendengenem, hfulungi hedem ne nafasem nawahem.

Ifisus 1:12

Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.

Lista 9:20

Wen se kdawen olon hilu kdaw nô ta yóm Gónô Dwata yóm lobun yó. Bè ktahuhen, tódô lolò le kógów yóm lobun. Ke kmamfù le duhen ke mógów le sal lemwót bè kimón le yóm hlolò Dwata kul.

Lista 9:22

Baluen ke tek lewu kdawen duhen ke sbulón duhen ke sfalayen, là kô le tagad mili yó kem tau Israél ke tolo nô ta yóm Gónô Dwata yóm lobun yó. Okóm ke deng haway eta tódô le bud lemwót se kul.

Isra 8:23

Yó gónóm mon, gotu me fasting bè yóm tey kni me béléen anì kenlungen mi bè lan. Tahu se, hnungol Dwata yóm kni me béléen yó. Là gomongen bè nili bérs 24 kól bè 36. Yó tulónen yóm tey ketgama le du yó kem tey ngom tahu blówón ne blówón bukay deng hwit yóm tau hol geta ne yó kem genlalen ne yó kem tau Israél mò ngom yóm Gónô Dwata bè Jirusalim. Tahu se, timbow le kól bè Jirusalim na le na hegnô tlu kdaw, bà mon yóm tey kliteg le bè yóm tey nógów tahà. Bè gfaten kdaw, lemwót yó kem ngom blówón nwit le yó, gotu blay le bè yó kem tau blóng ebè Dwata bè yóm Gónô Dwata bè Jirusalim. Kogolen bè yó, omin Isra demsù yóm dsù hkekeb ebè Dwata mò gónó le hegfan yóm tey kdóyón le du bè yóm klaen dù hemen le bè lan. Ke móyói temngón du yóm keblat yó kem tahu blówón nwit le yó, hol tenngelem bè Udél Dwata bè Bsayà ne bè Ingglis. Tonem bè yó snéen yóm tey kwen yó kem ógóf dsù le. Ke nawa te hemdem du nim ngom blówón nwit le ni, tey tennga bong. Là gomongen bè nili yóm tsaptér 9 ne 10. Yó tulónen bè ni kem tsaptér ni yóm tey ksidek kegnóm Isra du yóm deng kyehen yó kem tau Israél bè yó kem tólóng libun hmilol kul. Balù yó kem tau gel blóng le ebè Dwata, sana kegbót le myehen bélê le. Okóm yóm Isra bè yóm ketngónen du, deng mom du alì hemgsel mni du bè Dwata yóm salà nmò yó kem dumuhen. Ngangen botong le hegsel se kul yó kem tau mò du efet le hkukum bè yó kem tau kmukum bélê le. Yó ukum le du, gotu hulék le yó kem tólóng libun deng yehen le, mung kul kem ngà le. Yó gónó le mò du nim ni abay se là móyóen Isra ke wen tólóng tau sembool du yóm kmò ktaba le ebè Dwata yó kem tau Israél.