Kem Udél Hlalak Tehe Selumun 3:4 - Udél Dwata: Gna Kesfasad ne Lomi Kesfasad

⁴ Ke ni se nmoem, hligal Dwata ne gsengel nawan ebéléem, dalang se kem dumum tau.

Kem Udél Hlalak Tehe Selumun 3:4 Referans Kwoze

Kun Snulat Luk 2:52

Ngangen ne lemnok Jisas, ne tendo temnù se yóm ketngónen. Ne tendo hyu nawa Dwata ebéléen, dalang se yó kem tau.

Sulat Pol Ebè Yó Kem Tau Hemtahu Bè Rom 14:18

Ke lómón yó klolò tekuy ke Krays, tey hligal bélê tekuy Dwata, ne hligal bélê tekuy kem dumu tekuy snéen.

1 Samwél 2:26

Okóm ke Samwél kun, sónmoen minut lemnok. Ne lemwót bè yóm hyu gel nmoen tey hyu nawa Dwata ebéléen dalang se yó kem dumu tau.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Kul Nmò 2:47

Ne là kóen skó yóm tendo kdóyón le ke Dwata. Laen se kô gónó le gemsanil kul yó kem dumu tau. Lemwót bè kun nmò yóm gónó le mogot, tódô ket kdawen gel temnù yó kem tau hemtahu bè Jisas.

Danyél 1:9

Lemwót bè yóm któbóng Dwata ke Danyél gónó Aspinas kmodu du ne móyô tmóbóng du.

2 Kurin 8:21

Kóyô me ke laen dù gónón gemsanil kum yóm gónó tekuy mogot, dalang se kem tau, hyu ke laen dù sanil le kum se kul.

Kem Udél Hlalak Tehe Selumun 8:35

Yakà yóm tau mton do tonen se kehyu klowilen ne gutahen yóm kehyu nawa Dwata ebéléen.

Kem Udél Hlalak Tehe Selumun 12:2

Yóm tau hyu kmoen gwahen yóm kehyu nawa Dwata ebéléen, okóm yóm tau matul mò sidek tnuled Dwata.

Kem Udél Hlalak Tehe Selumun 13:15

Yóm khulung tau temnef gónón gmuta yóm kadat tau du, okóm yóm tau là gsalig du yóm kun lan mit du meglà.

1 Samwél 2:21

Tahu se, tey któbóng Dwata ke Hana bud wen ngà blayen du, tlu logi ne lewu libun. Okóm ke Samwél, tódô lenoken bè solu Dwata.