Kem Udél Hlalak Tehe Selumun 3:3 - Udél Dwata: Gna Kesfasad ne Lomi Kesfasad

³ Hol béem abay kó bè kmoem yóm kogot nawam bè Dwata. Eles tendo suem te henmuem ne lem hendemem.

Kem Udél Hlalak Tehe Selumun 3:3 Referans Kwoze

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

Kem Udél Hlalak Tehe Selumun 7:3

Hol suem te henmuem ne suem lem hendemem yóm dou hlolò.

Hibru 10:16

“Yó mon yóm gónó le mogot, Ni sii nmou bè yó kem dou tau elem hulin kdaw mò lan le hloni ebéléu. Suu lem nawa le yó kem dou hlau, ne bud hnóu lem hendem le snéen.”

Kem Udél Hlalak Tehe Selumun 6:21

Hol eles tendo hendemem yóm kul hlolò ne hol suem te henmuem

Malakay 2:6

Gotu tulón le bè yó kem tau yóm ktahuhen lemwót béléu. Laen dù kéng nmò le. Tey tilob klolò le do, hono hyu ne hono tedeng yóm gel nmò le. Tey dê tau tnóbóng le anì knogol le yóm sidek.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Kem Udél Hlalak Tehe Selumun 20:28

Yóm kogot nawa ne yóm kteneb yó se mit du hyu knóen yóm tau hol geta ne yóm kun ktedeng yóm hembegel du yóm kun kogot.

Kem Udél Hlalak Tehe Selumun 1:9

Lemwót bè yóm ktolok le kóm, yó se mò gónón hol tilob yóm kóm kmò lómón ke hegkesi mulew ne lemieg mò heklóón kóm.

Kem Lingón 119:11

Eles tendo hendemu yó kem hlauhem anì là gemsalae béléem.

Kem Lingón 25:10

Yó nmò Dwata, bè yó kem tau là mulé du yóm deng tehe senfasad le, nalaken lu hlanen bè yóm là konol yóm kbong nawahen kul ne hlanen bè yóm kteneben bélê le.

Dwata 6:8

Yó kem hlau Dwata yó, eles bkes ye te henmù ye ne sù ye lem uyó ye mò tendo heftulón du bè nawa ye.

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

2 Samwél 15:20

Lomi ye kól bè ni se kuy, ne tô ye mung do tabag? Nim kógówu ni, là kô tngónu du gónów e mógów. Muléki, nwitem yó kem dumuhem. Dwata he hol hegfan du bélê ye yóm kbong nawahen kuy ne yóm là konol nawahen ebélê ye.”

Kem Lingón 85:10

Deng le slomong ne yóm kbong nawa là monolen ne yóm ktahuhen. Deng le sebkes yóm tedeng ne yóm kenek nawa.

Kem Udél Hlalak Tehe Selumun 14:22

Gemsalai du ke geli matul mò sidek, okóm ke geli matul mò yóm hyu, tonem yóm ksalig ne yóm kadat le kóm kem dumu tau.

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.