Kem Udél Hlalak Tehe Selumun 3:25 - Udél Dwata: Gna Kesfasad ne Lomi Kesfasad

²⁵ Béi hlikò bè yóm knikò mekto ksuten duhen yóm kgefet yóm keglà yó kem tau mò sidek.

Kem Udél Hlalak Tehe Selumun 3:25 Referans Kwoze

Kem Lingón 112:7

Là kô le likò anien ke sidek tulón sut bélê le, abay se tey mbegel ksalig le du yóm kehtahu le ke Dwata, mò semgyok kul.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

Kem Lingón 91:5

Béem knikò yó kem knikò sut kifu, duhen ke yó kem tódô muluk ebéléem kemdaw,

Kun Snulat Jan 14:1

Ne yó bud mon Jisas mò kul, monen, “Hol bê ye hesbeweg kehedem ye. Snalig ye Dwata, ne snalig ye ou snéen.

Mark 4:40

Mung kudél Jisas ebè yó kem gel lemolò du, monen, “Mò ye kat alì likò ni du? Laen deng kehtahu ye he kô?”

Matyu 24:6

Angat wen gungol ye tau sgida moni bélê ye, ne wen sentulón le gida bè dumu benwu mayuk snéen. Okóm bê ye abay hlikò. Ne gotu dohò ni kem ni, okóm là kô yó du he yóm hol són kdaw.

Kem Lingón 73:19

Tódô le kendel meglà, ne tey sidek yóm gónó le e kól.

Kun Snulat Luk 21:9

Sok wen gungol ye tau sgida, duhen ke wen kem tau mit sfatay bè yóm tau gónó le kmulu, bê ye abay hlikò. Angat gotu dohò ni kem ni, okóm là yó du he yóm hol són kdaw.

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Kem Udél Hlalak Tehe Selumun 1:27

Bè yóm tey keglayam ye yó lómón ke mekto ksuten bélê ye yóm tey lenos bong ne tey sidek kegnóm ye du.

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Mika 4:4

Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.