Kem Udél Hlalak Tehe Selumun 3:23 - Udél Dwata: Gna Kesfasad ne Lomi Kesfasad

²³ Gel sen-galak le u bè lanem mógów anì laen dù hemenem ne là kói glokob.

Kem Udél Hlalak Tehe Selumun 3:23 Referans Kwoze

Kem Udél Hlalak Tehe Selumun 10:9

Laen kô hemenen yóm tau tedeng kehedemen, okóm yóm tau là tedeng kehedemen gekfô du yóm kmoen sidek.

Kem Udél Hlalak Tehe Selumun 4:12

Bè yóm kmò kógów klowilem, yó kem tô hemseng kóm tódô kmanas ne bè yóm nmoem meslò laen kô gónóm glokob.

Kem Lingón 121:3

Là kô bayaen kóm bè yóm gónóm btang. Yóm mofin kóm, là kóen tlek tungô.

Kem Lingón 37:31

Tendo suen lem hendemen yóm hlau Dwata, là kô knogolen du.

Sikaraya 10:12

Bud ten-gelu lu yó kem dou tau lemwót bè yóm ksalig le do ne ket nmò le sal hlan le bè dou boluy. Ou se Dwata yóm mudél ni.” Là gomongen bè nili yóm tsaptér 11. Yó eles htulón Dwata ke Sikaraya bè yóm tsaptér ni yóm angat keglaen yóm benwu Israél ne yó kem tau malak bè yó. Yó tulónen bè ni yóm kehmò Dwata du ke Sikaraya yóm nmò yóm tau hyu kesegyoken yó kem ubiha móyón hnatay le. Wen lewu tuged tau semgyok ubiha nô bè Sikaraya. Yó boluy yóm sotu, Nawa Dwata, hnigaden yóm kbong nawa Dwata yó kem tau Israél. Ne yóm sotu tuged boluyen Sesotu, hnigaden yóm kessotu yóm lewu kem benwu duhen Juda ne Israél. Okóm yó kem tau, deng mom kenbê le yóm tau hyu kesegyoken ubiha yó. Yóm nmò le yó, hnigaden yóm angat kekbê le ke Jisas Krays. Omin Dwata bud hmò du ke Sikaraya yóm kun nmò yóm tau alì sidek kesegyoken ubiha angat gdek lem blóng le elem hulin kdaw mò gemlà kul. Nim ni, là tagaden gotu dohò efet kól yóm tau bnoluy le Hohon Krays.

Kem Udél Hlalak Tehe Selumun 2:8

Gel kenlungen yóm kul lan yó kem tau tedeng kmò le ebè kem dumu le ne gel sen-gyoken yóm kul lan yó kem tau hteneb béléen.

Kem Lingón 121:8

Tendo nofin Dwata uu bè yóm gel kógówem lenwóten ni laen kô dù tul sónen.

Kem Lingón 119:165

Yó kem tau bong óyô le mimón yó kem hlauhem, tey wen kenek nawa le, laen kô dù gembek hetlokob kul.

Kem Udél Hlalak Tehe Selumun 6:22

abay se yóm kul gel tolok malak yóm kóm klan, gel bnenteyen u ke kifu ne gel hnauhen u ke kemdaw.