Kem Udél Hlalak Tehe Selumun 3:21 - Udél Dwata: Gna Kesfasad ne Lomi Kesfasad

²¹ Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Udél Hlalak Tehe Selumun 3:21 Referans Kwoze

Juswa 1:8

Hol gel senfalahem yóm bok gónón nô yó kem hlauhu kuy. Eles tendo suem bè nawam senflósen kdaw ne kifu ne hol nimón ye yóm kdê snulat lemen. Sónen bè yó se gónón hyu kógów klowilem ne gónóm gembek mò du yóm hmou kóm.

Kem Udél Hlalak Tehe Selumun 4:21

Béem kó te henmuem ni kem ni ne hol suem lem hendemem.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

1 Jan 2:27

Okóm yó dum kuy, deng sù Krays bélê ye yóm kun Tulus. Anien he ke laen dù tau bud tmolok kuy syan ke senflósen nô bélê ye yóm kun Tulus. Abay se du fen tmolok kuy yóm kdéen, ne laen dù kéng boolen yóm gel toloken kuy, hono tahu. Yó gónóm mon, hol gel nimón ye sen yóm gel toloken kuy yóm Tulus Dwata, ne hol henlós ye yóm kessotu ye bè Krays.

Kun Snulat Jan 8:31

Ne yó udél Jisas ebè yó kem tau deng hemtahu béléen, monen mò kul, “Ke tendo nimón ye ni kem toloku, deng ye baling tau hol tahu lemolò dou ne.

Kem Udél Hlalak Tehe Selumun 2:7

Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò.

1 Jan 2:24

Duhen yó, hol henlel ye hemsù du bè nawa ye yóm tulón hyu deng gungol ye lemwót bè kbut yóm kehtahu ye. Ke là lanahen bélê ye yóm tulón yó, tódô senflósen ne yóm kessotu ye bè yóm Ngà Dwata lewu le yóm Maen.

Kem Udél Hlalak Tehe Selumun 1:4

Ni kem ni, benlayen lu khulung milô yó kem tau là ngelem kehedem le ne yó kem lomi lemnok benlayen lu ketngón ne yóm khulung le mit du hyu yóm kul kmò.

Kem Udél Hlalak Tehe Selumun 5:2

anì hulungi mit du hyu yóm kmoem ne dilô bè kudélem yóm ketngónem.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.

Kem Udél Hlalak Tehe Selumun 18:1

Yóm tau là hulungen swè olohen hemdem yóm kun knô ne gel hnebelen lanen sembólów kdê yó kem nmò tedeng.

Kem Udél Hlalak Tehe Selumun 4:6

Béem kó bè nawahem yóm khulung hedem; yó se yóm semgyok kóm. Hol hnóem du nawam ne yó se mentey kóm.

Kem Udél Hlalak Tehe Selumun 19:8

Yóm tau ma yóm khulung hedem henyuhen klowilen ne yóm tau hol msù du bè nawahen yóm khulung temnef, hyu klowilen.