Kem Udél Hlalak Tehe Selumun 3:2 - Udél Dwata: Gna Kesfasad ne Lomi Kesfasad

² Yakà bè ni du gónón lemwót tahà ktauhem ne yóm klowil gsengel nawam du.

Kem Udél Hlalak Tehe Selumun 3:2 Referans Kwoze

Kem Udél Hlalak Tehe Selumun 4:10

Ó Man, hol hnungolem o ne suem lem hendemem yó kem monu anì tahà ktauhem.

Kem Udél Hlalak Tehe Selumun 9:11

Yakà yóm khulung hedem du htahà ktauhem ne wen he suden yóm klowilem.

Kem Lingón 91:16

Yó ofol blayu kul, angat htahau klowil le, ne angat lenwau lu.”

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Kem Lingón 128:6

Dwata he hol htahà klowilem anì angat gafit tonem lu yó kem tmémê béléem. Dwata he hol henek nawa le yó kem tau Israél.

Kem Lingón 119:165

Yó kem tau bong óyô le mimón yó kem hlauhem, tey wen kenek nawa le, laen kô dù gembek hetlokob kul.

Kem Udél Hlalak Tehe Selumun 10:27

Htahaen ktau te yóm klikò te ke Dwata, okóm yó kem tau gel mò sidek hsukeg Dwata ktau le.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Kem Lingón 21:4

Deng mni béléem anì hlowilem, ne tahu se, bnalaem yóm hnihen yó. Laen kô dù tul sónen yóm keblayem du klowil.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Isaya 32:17

Lemwót bè yóm kmò le tedeng yóm kdê le, angat tey menek kbenwu le ne laen kô dù tul sónen yóm klaen dù knikò le.

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

1 Bok Kem Tau Hol Geta 3:14

Ne ke loloem ou, ne ke nimónem yó kem hlauhu kóm lómón yóm kun tehe nmò Dabid, yóm maem, angat htahau klowilem.”

Kem Udél Hlalak Tehe Selumun 16:31

Tey megdóyón yóm tau ke gutahen kubónen lemwót bè ktedeng kmoen.

Dwata 5:32

Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.

Kem Udél Hlalak Tehe Selumun 4:4

gel tolok mà do, monen, “Hol suem lem hendemem yó kem hlolou kóm ne hol nimónem anì tahà ktauhem.