Kem Udél Hlalak Tehe Selumun 3:10 - Udél Dwata: Gna Kesfasad ne Lomi Kesfasad

¹⁰ Ke ni se nmoem, tódô hnok folem ne balù yó kem gónóm hemsù yóm gel mò ninum gotu lembés.

Kem Udél Hlalak Tehe Selumun 3:10 Referans Kwoze

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Dwata 28:8

Angat tnóbóng Dwata yu bè yóm gel kmò ye nmò ne angat tódô hennoken yóm fol ye. Angat tendo nuyagen yu ta yóm tonok blayen kuy.

Kem Udél Hlalak Tehe Selumun 22:9

Nuyag Dwata yóm tau bkas nawahen ebè kem dumun ne gel benlayen ken yó kem tau élél.

Juwél 2:24

Bè yóm gónó ye kmusu, angat tey sigang bong ye myón bè yó, dalang se yóm gónó ye hemyu tifas grép ne hnolo ulib, angat tódô lembés.

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Hagay 2:19

Anien ke laen dù bud halay ye ne anien ke là deng le mungu yó kem grép ye ne yó kem koyu fig ye ne yó kem koyu ulib ye ne yó kem dumu koyu mungu ye, tódô lenwóten ni ne yóm któbóngu kuy.”

2 Tutul Israél 31:21

Yóm kdê nmoen bè yó bè Gónô Dwata ne bè yóm khotuhen gelen lemolò du yóm hlau Dwata ne yó kem hloloen kul, lemwót lem but blututen yóm kmoen du, ne yó gónón wen gendengen bè ket nmoen.

Kem Lingón 144:13

Kólen bè yó kem tebungus me, hol le hnok he. Dalang se yó kem ubiha me bè yóm gónó le mótób, hol le mból he nsóhem bè libuhen, baluen ke nsóhem bè sfolò libuhen.

2 Tutul Israél 31:10

Ne yó balà Asaraya du yóm tau hol geta bè yó kem tau gel blóng ebè Dwata, lemwót bè fes lówó Sadok, monen, “Lenwóten bè yóm kbut keblay le du bè Gónô Dwata yóm basa le ke Dwata yó kem tau, tey wen ken me, ne tey wen se lukasen, abay se tey któbóng Dwata kul yó kem kun tau.”