Kem Udél Hlalak Tehe Selumun 3:1 - Udél Dwata: Gna Kesfasad ne Lomi Kesfasad

¹ Ó Man, béem abay klifót yó kem toloku kóm, okóm hol hnóem bè nawahem yó kem hlolou kóm.

Kem Udél Hlalak Tehe Selumun 3:1 Referans Kwoze

Kem Udél Hlalak Tehe Selumun 4:5

Hol béem abay klifót ne béem abay knogol yó kem monu. Nwahem bè nawahem yóm khulung hedem ne khulung temnef.

Kem Lingón 119:16

Tey kehyu nawahu du yó kem hlauhem, ne là kô klifótu du yóm udélem.

Kem Udél Hlalak Tehe Selumun 1:8

Ó Man, hol hnungolem yóm hlau maem ne hol kenmónem yóm tolok yéem.

Kem Lingón 119:93

Là kô klifótu du yó kem hlauhem, abay se mlan bélê le gónóm hlowil dou.

Kem Lingón 119:34

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Kem Lingón 119:11

Eles tendo hendemu yó kem hlauhem anì là gemsalae béléem.

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

Kem Lingón 119:153

Tenngelem dé nim tey hlayamu ne hol lenwaem o, abay se là kô naw e klifót kul yó kem hlauhem.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Kem Udél Hlalak Tehe Selumun 31:5

Ke sok le minum déke klifót le yó kem udin ne là gmò le du yóm tedeng bè yó kem tau élél.

Kehewà 20:6

Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Kem Lingón 91:16

Yó ofol blayu kul, angat htahau klowil le, ne angat lenwau lu.”

Kem Lingón 119:61

Tô hebtang le o bè salà yó kem tau gel mò sidek, okóm là kô klifótu du yó kem hlauhem.

Kem Udél Hlalak Tehe Selumun 2:1

Ó Man, hol hnungolem yóm toloku kóm ne hol henlom nawam yó kem hlolou kóm.

Kem Udél Hlalak Tehe Selumun 4:2

Yakà teyen hyu se yóm dou tolok kuy. Yó gónóm mon du, hol sù ye lem hendem ye.

Kem Udél Hlalak Tehe Selumun 16:31

Tey megdóyón yóm tau ke gutahen kubónen lemwót bè ktedeng kmoen.

Kem Udél Hlalak Tehe Selumun 23:26

Ó Man, hol hnungolem o ne hol tenngelem yó kem dou kmò klan mò loloem.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kem Udél Hlalak Tehe Selumun 4:21

Béem kó te henmuem ni kem ni ne hol suem lem hendemem.

Kem Udél Hlalak Tehe Selumun 8:1

Hnungolem. Yóm khulung hedem lemwót bè Dwata lómón ke tau tendo tmaba. Dalang se yóm khulung temnef, hgelen se kun udél.

Kem Udél Hlalak Tehe Selumun 9:1

Yóm khulung hedem lómón ke tau hemdà gónô ne hitu heheken du.