Kem Udél Hlalak Tehe Selumun 27:4 - Udél Dwata: Gna Kesfasad ne Lomi Kesfasad

⁴ Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kem Udél Hlalak Tehe Selumun 27:4 Referans Kwoze

Kem Udél Hlalak Tehe Selumun 6:34

Yakà alien lemenget ne sidek kebuten yóm fun yehen ne sok meles laen kô koduhen du.

Kem Udél Hlalak Tehe Selumun 14:30

Yóm tau menek kehedemen hyu klówóhen, okóm yóm klenget tau hengoken lem tiolen.

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,

Matyu 27:18

Deng tódô tngón Paylét se yóm alì kélés nawa le ke Jisas yó kem tau mit du ebéléen yó.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

Kul Nmò 17:5

Okóm deng mom mélés nawa le kul le Pol yó kem dumu Ju bè yó. Yó nmò le, gotu sentifun le yó kem logi lan mò sembeweg yó kem tau bè yóm syudad yó. Tahu se, ya tey kesbeweg le kul. Tódô le gotu muluk ebè gónô Jasun na le e tô kenfô le Pol lewu le Silas anì nwit le lu hewà ebè yó kem tau.

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Tekang Kbuten 26:14

Lemwót bè yóm tey kwen ubihahen ne safien ne tey dê tau tóbóng lówóhen, deng mom mélés nawa le du yó kem Flistin.

Sulat Pol Ebè Yó Kem Tau Hemtahu Bè Rom 1:29

Tódô kdéen kay sidek gotu meskel lem hendem le. Alì le móyô hemsidek kem dumu le tau. Kóyô le ke són lu gónón e skok yóm kdéen. Tey dê ukô nmò le. Mahil le mófô. Són nawa monok nô bélê le. Sónmò le mit sfatay bè kem dumu le. Tey le hulung smukat. Sónmò le gel sutó nawa. Tey lemnek ksumóng le,

Kul Nmò 5:17

Okóm kun yóm tau hol geta bè yó kem tau gel demsù ebè Dwata dalang se yó kem dumuhen, hono kem tau Sadyusi, tey sidek kélés nawa le yó kem hógów Jisas. Ne mom yó nmò le,

Kem Udél Hlalak Tehe Selumun 27:3

Yóm botu ne helek tey blat okóm udì he keblat ni kem ni ke hsenged te bè yóm keblat yóm keglayam lemwót bè yóm tau book.

Tekang Kbuten 38:9

Okóm lemwót bè yóm deng ketngón Unan du angat là kun du funen yóm ngà, yó nmoen ke sentungóen Tamar, là heflósen du yóm él gu béléen, mom hetdaken ebè tonok anì là mngaen mò nfun yóm dumun sulil-lem.

1 Samwél 18:9

Nbuten bè yó ne yóm tendo kélés nawa Sol ke Dabid.