Kem Udél Hlalak Tehe Selumun 27:3 - Udél Dwata: Gna Kesfasad ne Lomi Kesfasad

³ Yóm botu ne helek tey blat okóm udì he keblat ni kem ni ke hsenged te bè yóm keblat yóm keglayam lemwót bè yóm tau book.

Kem Udél Hlalak Tehe Selumun 27:3 Referans Kwoze

Danyél 3:19

Ya tey sidek kebut Nibukadnisar kul le Sadrak ne Misak ne Abidnigu, tódô sedlu hulô lem uyóhen. Ominen mdók yó kem tau gel dóken anì hol hendlà le dmutung ofi hitu duléken mkay kkinien.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

Kem Udél Hlalak Tehe Selumun 17:12

Mom hyu he gemslong yóm sotu kay ógóf alì sidek klóbóen boluyen bér, olo yóm gemslong tau book tolo lelen mò kbooken.

Tekang Kbuten 49:7

Dwata he angat tmafak kul lemwót bè yóm kebut le, alì gedlug klóbô le ne alì gulé ksideken yóm gel nmò le. Gotu senklahu lu bè klamangen tonok Israél. Gotu hlanahu lu lem blóng yó kem dumu le.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Udél Hlalak Tehe Selumun 12:16

Mahil dilô yóm kun kebut yóm tau book, okóm yóm tau hulung milô, tódô kem bayaen ke wen tô hemyak du hekawang.

Kem Udél Hlalak Tehe Selumun 27:2

Yake dumu tau dé smalù kóm béen mom uu yake tau milo dé ne là uu du mon du.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Lista 22:27

Bè yóm bud kton yóm asnu du yóm hógów Dwata yó, tódô lemfen bè tonok. Botong là bud gafas Balaam du nawan ne yó gónón bud mfes du tuged yóm asnuhen yó.