Kem Udél Hlalak Tehe Selumun 27:2 - Udél Dwata: Gna Kesfasad ne Lomi Kesfasad

² Yake dumu tau dé smalù kóm béen mom uu yake tau milo dé ne là uu du mon du.

Kem Udél Hlalak Tehe Selumun 27:2 Referans Kwoze

2 Kurin 10:18

Mom hyu dé yóm tau ke gónón mogot fen dmóyón du. Béen du fen dmóyón du yóm kun knô.

Kem Udél Hlalak Tehe Selumun 25:27

Là kóen hyu ke gedlug kkenem tneb, senged se là kehyu yóm kesgaluhem kegsalù kem tau kóm.

2 Kurin 10:12

Yó kem tau alì heklabak lem blóng ye bè yó, là kô gsenged me kul, là kô me gomong bélê le se kum. Tey le tau là hulung hedem se kul. Ofo kul mon du ke són lu temngón du yóm hyu, ne gsengel nawa le du yóm kul ktau bè yóm klolò le du yóm kul kehedem yó.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Kem Udél Hlalak Tehe Selumun 27:3

Yóm botu ne helek tey blat okóm udì he keblat ni kem ni ke hsenged te bè yóm keblat yóm keglayam lemwót bè yóm tau book.

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.