Kem Udél Hlalak Tehe Selumun 26:4 - Udél Dwata: Gna Kesfasad ne Lomi Kesfasad

⁴ Ke bnalaem yóm tau book béem ulit bè yóm kun kbook déke momi mkél béléen.

Kem Udél Hlalak Tehe Selumun 26:4 Referans Kwoze

Kem Udél Hlalak Tehe Selumun 26:5

Bnalaem yóm tau book bè yóm udél gembólów du bè yóm kbooken anì dilóen yóm là khulungen hedem.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

1 Bok Kem Tau Hol Geta 12:14

tódô loloen yóm hlau le du yó kem lomi lemnok, yó monen mò yó kem tau, “Tey keheblat mà du yóm hbóen kuy, okóm mkay senta yó he keblat yóm dou hmò kuy. Gel nfes Mà yu tébéd, okóm yóm dou, syufón fesu kuy.”

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

1 Bok Kem Tau Hol Geta 12:16

Timbow tngón yó kem tau Israél nô fi bwak yóm kekbê tau hol geta du yóm hni le, gotu le hetê, mon le, “Laen dù kut du yóm Dabid. Laen dù ofol tekuy béléen yóm ngà Jisi yó. Ó kem tau Israél, mulék tekuy ne. Tódô uu ne, Rihubuam, mebel du yóm dê hnihem.” Tahu se, gotu le mulék yó kem tau Israél.

Sulat Jud 1:9

Balù ke Maykél ekni, yóm hol geta bè kdê yó kem hógów Dwata nô bè longit, là kô nmoen du kun yóm hemnê. Bè yóm tehe katay Musis ekni, tey kesegled le lówóhen lewu le Maykél Seitan. Okóm ke Maykél kun, là kóen mò udél hemnê ebè Seitan bè yóm ktifuen du, olon mon du, “Dwata he fen mólów kóm.”

Isaya 36:21

Yóm kdéen tau hmungol bè yó, tódô le gotu neb. Bà sekteb ke tô le mudél, hol lómón yóm deng mon Hisikaya mò kul.

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Kem Udél Hlalak Tehe Selumun 23:9

Yóm tau book béem dog tolok du ne yóm hyu yakà mom sendekaen du yóm kóm khulung hedem.

Kem Udél Hlalak Tehe Selumun 29:9

Laen dù gónón e kól yóm tau hulung hedem ke nwiten skukum yóm tau book abay se són moen mudél lembut ne hemnê kun yóm tau book.