Kem Udél Hlalak Tehe Selumun 26:26 - Udél Dwata: Gna Kesfasad ne Lomi Kesfasad

²⁶ Baluen ke gebnos yóm utó nawahen senged bud kegfanen bè kmoen snéen yóm sidek nmoen.

Kem Udél Hlalak Tehe Selumun 26:26 Referans Kwoze

1 Samwél 18:17

Sotu kdaw, yó mon Sol mò ke Dabid, “Ni se ngau twogu libun boluyen Mirab mò yehenem. Okóm hol béi hlikò bè yóm kehwitu kóm ebè gida ne holi hlóbô mit kut sfatay bè yó kem kun kesgida Dwata.” Abay se yó hendem Sol, “Kem Flistin he fen hmatay du, là hyuhen ke ou.”

1 Samwél 18:21

Yó hendemen, “Ni yóm sotu lan hmolot ke Dabid anì hnatay yó kem Flistin.” Okóm yó udélen ebè Dabid, monen, “Bud wen se kmò klanen anì gtowuhu uu.”

Tekang Kbuten 4:8

Sotu kdaw bè yó, mon Kain mò ke Abél yóm twolihen, “Na te slomong ebè tniba dé kemdaw ni.” Tahu se. Tikóng le deng kól ditu bè tniba, tódô kento Kain demlu yóm twolihen ne hnatayen.

Matyu 23:28

Hol lómón yó se yóm kuy kmò. Tey tilob yóm gel hton ye bè tau, okóm yóm lem hendem ye hono kéng ne hono sidek.”

Kun Snulat Luk 8:17

Yóm gebnos nim kmoen ni, angat gfan ne yóm gel gbuni nim kmoen ni, bud gfan elem hulin kdaw.

Kem Udél Hlalak Tehe Selumun 10:9

Laen kô hemenen yóm tau tedeng kehedemen, okóm yóm tau là tedeng kehedemen gekfô du yóm kmoen sidek.