Kem Udél Hlalak Tehe Selumun 26:23 - Udél Dwata: Gna Kesfasad ne Lomi Kesfasad

²³ Yóm tau olon hmingón hemtilob kestulónen blaem sidek kehedemen mkél bè yóm lebwón tonok olon btulaen tilob du là kóen hyu yóm lemen.

Kem Udél Hlalak Tehe Selumun 26:23 Referans Kwoze

Kun Snulat Luk 11:39

Omin Jisas mudél ebè yóm Farisi yó, monen, “Yu kem Farisi, ke hlingónu yóm kuy kmò, lómón yóm tgayan ne huyów olo ye molob tahen, là lemen. Igoen yóm nô lemen, tódô hono keseglom, ne hono nmò sidek.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Matyu 23:27

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Hol ye mkél bè yóm lungun tilob bentulà bukay tahen, okóm lemen hono tiol tau matay, hono unged bolok.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kem Udél Hlalak Tehe Selumun 25:4

Ke kóhem bolen yóm tembaga futì, gbek yóm tau temwél hembaling du yóm kihu tilob nóyô nmoen.

Kem Udél Hlalak Tehe Selumun 26:25

Anien ke hentiloben kudélen yóm tau yó béem hentahu yakà dengen hnok lem but blututen yóm utó nawahen.

Kem Udél Hlalak Tehe Selumun 23:7

Yakà tendo hendemen du btesen anien ke monen, “Holi mken,” là kóen lemwót lem nawahen.

Kem Udél Hlalak Tehe Selumun 27:6

Mom hyu bè yóm tau ke ween semtódô du abay se gsaligen olo ke hohonen hmingón mit du swè abay se olohen smukat du.