Kem Udél Hlalak Tehe Selumun 26:12 - Udél Dwata: Gna Kesfasad ne Lomi Kesfasad

¹² Mom hyu he yóm tau book senta yóm tau bè kun kehedem du deng tey hulung hedem ne kun.

Kem Udél Hlalak Tehe Selumun 26:12 Referans Kwoze

Kem Udél Hlalak Tehe Selumun 29:20

Mom hyu he yóm tau book senta yóm tau tódô faen mudél là nan hendem du.

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

Kem Udél Hlalak Tehe Selumun 28:11

Yóm tau wen kendengenen bè kun kehedem du deng hulung hedem ne kun, okóm yóm tau élél hulung temnef yóm kmò tau ne dilóen yóm ktahuhen bè yóm tau wen kendengenen yó.

Deng Hegfan 3:17

Igò ye sem gel mon du, ‘Denge mdengen do, deng baling hyu klowilu ni, laen kô dù gónóhu élél.’ Okóm là kô tngón ye du yóm tey ksideken bélê ye. Deng ye baling tau knodu, tau alì élél, tau mógów laen dù nes, tau butô.

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Kem Udél Hlalak Tehe Selumun 26:5

Bnalaem yóm tau book bè yóm udél gembólów du bè yóm kbooken anì dilóen yóm là khulungen hedem.

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kun Snulat Luk 7:44

Ominen beklil ebè yóm libun, okóm nan na bud mudél ebè Simun, monen, “Lómón se ni nem libun nii. Bè kotunu bè gónóem, là kô dog benlayem do él mò olob tihu, igoen yó sana gel adat tekuy. Okóm nim libun nii, deng mom lewoken yóm timbang olob tihu, ne ifuhen du weken.

Kem Udél Hlalak Tehe Selumun 26:16

Bè kun kehedem du yóm tau lemfu bong yóm kun khulung hedem senta yóm hitu kem tau hulung le malà udél.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Kun Snulat Jan 9:41

Bud mon Jisas mò kul, “Ke tahu ye butô, laen kô salà nbô ye. Okóm gel mon ye, ‘Là kô me butô’ yó se gónón wen salà nbô ye.”

Kem Udél Hlalak Tehe Selumun 12:15

Yóm tau book bè kun kehedem du tedeng yóm kun kmò, okóm yóm tau hulung hedem gel hnungolen yóm kehlau le du.

Kem Udél Hlalak Tehe Selumun 28:26

Book yóm tau tódô doen yóm kun kehedem, okóm yóm tau hulung hedem gewà bè yóm sidek.