Kem Udél Hlalak Tehe Selumun 26:11 - Udél Dwata: Gna Kesfasad ne Lomi Kesfasad

¹¹ Yóm bud gel kdilut ohu yóm lewólen, hol lómón se yó yóm tau book ke là kóhen du yóm kbooken.

Kem Udél Hlalak Tehe Selumun 26:11 Referans Kwoze

2 Pitér 2:22

Yó gónón tahu yóm gel mon yó kem tau gnan ekni, yóm mon le, “Yóm ohu, bud gel kenen yóm lewólen. Ne yóm sdô lomi denyo, mom bud gel hlulid lem hitok.”

Matyu 12:45

Ominen na tódô bud lemwót, nan e nangay hitu dumuhen bud nô bè yó, bede yóm alì sidek egem le sentahen. Tikóng le deng kól, tódô le husek bè yóm tau gónó le nô. Yó gónóm mon, mom mkay senta yóm gna tehe alì ksidek kegnómen du. Lómón yó se yóm angat gfà le yó kem tau gel mò sidek nim kmoen ni.”

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Kem Udél Hlalak Tehe Selumun 23:35

Ne monem, “Deng wen smuntuk do, okóm là desen béléu. Deng bnoug le o, okóm là gnómu du. Soke btik naw na bud mebel mò ninumu.” Ni se koni yóm monem ke ni yóm nmoem.

Kem Udél Hlalak Tehe Selumun 26:10

Yóm tau hmò nmò gfan yóm là khulungen hedem ke tódô kihu tau book duhen ke tau lengel hmoen nmò.

Kem Udél Hlalak Tehe Selumun 27:22

Yóm tau book baluen ke ngangem moug du efet tô hatayen là kô gbekem mkó du béléen yóm kbooken.

Isaya 28:8

Yó kem lemisa gónó le gel myón, tódô tfeng lewól le. Balù udì ke wen gónón mólós.