Kem Udél Hlalak Tehe Selumun 24:7 - Udél Dwata: Gna Kesfasad ne Lomi Kesfasad

⁷ Ngelem yó kem udél hulung hedem là getnef tau book du, là kô tngónen du ke tedu mò udélen ke myón bè kukum.

Kem Udél Hlalak Tehe Selumun 24:7 Referans Kwoze

Kem Udél Hlalak Tehe Selumun 14:6

Yóm tau gel semdekà gel hnebelen yóm khulung hedem, okóm laen dù tonen, okóm kun yóm tau hulung temnef, mahil wen tngónen.

Kem Lingón 10:5

Okóm ket nmò le, sal wen uléken. Balù udì ke hendem le yóm kwen tafakem eles mangat kul. Gel senlón le yó kem hohon le.

1 Kurin 2:14

Yóm tau, ke là nóen béléen yóm Tulus Dwata, là kô glileben du lanen yóm tulón lemwót bè yóm Tulus Dwata. Ofo kun mon du ke laen dù muhen. Yó gónón là gmileb du, abay se là nóen béléen yóm Tulus Dwata mò fen heglileb du béléen yóm hol lanen.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Kem Udél Hlalak Tehe Selumun 22:22

Béem nongò yóm tau élél baluen ke gbekem mò du duhen ke nitem skukum igoen élél.

Kem Udél Hlalak Tehe Selumun 17:24

Yóm tau hulung temnef tendo snoluhen yóm khulung hedem, okóm yóm tau book lusà du gónón e solu.

Kem Udél Hlalak Tehe Selumun 15:24

Yóm tau hulung hedem loloen yóm lan eta ebè yóm klowil laen dù sónen anì là gloloen du yóm lan e laan e lem hatay.

Job 31:21

Ke deng wen ngà hikit deng ndau elaan bè gónô skukum ne ke deng wen nwahu béléen,

Job 5:4

Tódô gbayà yó kem ngaen, laen kô dù gónó le e mlóy. Balù sotu ke wen mfi kul bè gónô skukum.

Kem Lingón 127:5

Tey kligalen yóm tau ke wadag hanaken. Là kô le gemmò béléen yó kem hohonen anien ke ston le bè gónô skukum.

Kem Udél Hlalak Tehe Selumun 17:7

Yóm kestulón alì hyu, là knóónen bè yóm tau là sikof kehedemen. Milud he là kehyuhen bè yóm tau hol geta yóm kestulón kéng.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Kem Udél Hlalak Tehe Selumun 28:5

Yó kem tau gel mò sidek là bud getnef le du yóm hol ktedengen, okóm kul yó kem tau gel mimón ke Dwata gotu getnef le yóm ktedengen.

Kem Udél Hlalak Tehe Selumun 31:23

Tey tótól yóm tuha logihen bè gónó skukum ne du se sotu logi gónó le galak bè kul benwu.