Kem Udél Hlalak Tehe Selumun 24:5 - Udél Dwata: Gna Kesfasad ne Lomi Kesfasad

⁵ Mom hyu he yóm tau hulung hedem senta yóm olon kemgis ne yóm temngón senta yóm kemnu.

Kem Udél Hlalak Tehe Selumun 24:5 Referans Kwoze

Kulasi 1:11

Dwata he hol temgel nawa ye lemwót bè yóm tey kegbeken bélê ye anì gbek ye hembala du balù kihu sut bélê ye, mlan bè yóm khanay nawa ye. Lemwót bè kligal ye tódô senflós ye dmóyón ke Dwata. Yakà deng henbalingen yu kem kun tau anì wen kuy du tu kem deng tgamahen bè kun tau ditu bè longit bè yóm tey benwu lemayag nogoten.

Kem Udél Hlalak Tehe Selumun 21:22

Yóm tau hulung hedem gbeken muluk ebè yóm kul gónó nô yó kem tau alì hulung sfatay ne genbaen yóm kul gónó heklung alì genléd nawa.

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Kem Udél Hlalak Tehe Selumun 10:29

Dwata mò gónó le e mlo yó kem tau tedeng kmò le, okóm yó kem tau gel mò sidek bud du se gónó le meglà.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.

Kem Lingón 84:7

Bè yóm igò le mógów, sónmoen temnù kgis le efet ton le Dwata bè yóm kun bulul bè Sayun yóm Dwata hol dandónen geta bè kdéen dwata.

Kem Udél Hlalak Tehe Selumun 24:6

Song hyu yóm mit sgida ke na hninggel semsatul du gna ne ke dê tau matul bè yóm kwit du yó gónó le gemmò.

Isaya 36:5

Ngem yóm tey kfasang me ne yóm tey khulung me mit sfatay. Yó kô hendem ye gemmò ye bè olo udél hwit ye bè yóm tey kfasang me ne yóm tey khulung me gmida? Benwu du de gónó ye htóbóng anì gemmò ye bélê me, mi kem tau Asirya?