Kem Udél Hlalak Tehe Selumun 24:2 - Udél Dwata: Gna Kesfasad ne Lomi Kesfasad

² Són tendo hendem le matul yóm sidek, tódô ket kebngat le sumóng le sal gel wen tau hensidek le.

Kem Udél Hlalak Tehe Selumun 24:2 Referans Kwoze

Kem Lingón 10:7

Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Kem Lingón 7:14

Yó kem tau mò sidek, deng eles natul le yóm sidek nmò le. Natul le yóm kmò kesbeweg le tau, ne són smukat nmò le.

Kem Lingón 28:3

Béem homong dyol ou bè yó kem tau gel mò sidek. Tey tilob kudél le bè kem dumu le sebét, okóm yóm lem hendem le, matul le mò sidek bélê le.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Kul Nmò 13:10

“Tauhi Seitan nim uu. Hohonem yó kem kdéen hyu. Són nô bè nawahem yóm ksukatem kem tau. Deng mom henkéngem yóm hol ktahuhen lemwót bè Dwata.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”

Kem Udél Hlalak Tehe Selumun 6:14

Laen kô dumu nô lem hendemen, són moen tendo matul mò sidek ne balù kihu lanen mógów són moen sembeweg kem tau.

Kem Lingón 140:2

yó kem tau sónmò le matul mò sidek lem hendem le, ne lenulus le kdaw tendo mò sidek.

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Kem Udél Hlalak Tehe Selumun 24:8

Yóm tau tendo gel matul mò sidek tótól du yóm nmoen.

Kem Lingón 38:12

Yó kem tau tô malu hmatay dou, deng wen holot nmò le mò alu le dou, kem tau deng eles natul le yóm keglau. Tódô snilef le kdaw matul du yóm angat ksukat le dou.

Kem Udél Hlalak Tehe Selumun 6:18

Gfaten yóm tendo hemdem matul mò sidek. Glimuhen yóm tendo módód mò sidek.

Isaya 30:12

Okóm ni se kun udél ebélê le yóm Dwata yó kem tau Israél yóm Dwata laen dù belenen, monen, “Là kenmón ye du yóm dou udél. Tódô snalig ye yóm kehsidek ye tau ne yóm ksukat ye kul.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.