Kem Udél Hlalak Tehe Selumun 24:16 - Udél Dwata: Gna Kesfasad ne Lomi Kesfasad

¹⁶ Yóm tau tedeng kmoen baluen ke hilu duléken wen hemsidek du sal bud gel gebtik, okóm kul yó kem tau gel mò sidek glumfak hlayam le.

Kem Udél Hlalak Tehe Selumun 24:16 Referans Kwoze

Kem Lingón 34:19

Sal gel wen gónón glayam yóm tau hyu kmoen, okóm sal gel lenwà Dwata gu lemen.

Kem Lingón 37:24

Baluen ke tlokob le, là kô le masà, abay se deng eles nogoten lu.

Job 5:19

Tendo gel lenwaen uu bè yóm gónón wen gfaem.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Kem Udél Hlalak Tehe Selumun 13:17

Hnayamen kem dumu tau ke dókem mit tulón yóm tau gel mò sidek, okóm yóm tau gsalig ke dókem mit tulón, heneken nawa tau.

Amus 5:2

“Deng btang ne Israél, yóm sawang libun ne là buden gebtik. Deng gbayà, tódô masà bè tonok, laen kô dù bud hdà du.”

Kem Lingón 52:5

Okóm angat tek sulék keglà Dwata kóm, ne laen kô tul kegebtikem. Angat skoten uu bè gónóem, ngangen mò kóm efet kóhen uu lem blóng yó kem tau mowil talak tonok.

1 Samwél 26:10

Tódô tulónu kóm ktahuhen hlanu bè boluy yóm Dwata là matayen, Dwata se angat hmatay du hlanen bè des duhen ke bè gida.

Kem Lingón 7:16

Bud mulék eta le yóm sidek tô nmò le bè dumu tau. Natul le hemsidek dumu tau, okóm bud mulék eta le.

Istér 7:10

Tahu se, tléwéng le Haman bè yóm koyu tô hefdaen bè Murdikay. Ominen yó he malù lembó kebut yóm tau hol geta.

Kul Nmò 12:23

Tódô sen-gengen se wen hógów Dwata gu bè longit, tódô wen des hegnómen ke Hirod, lanen là madat ke Dwata. Tódô gotu ken kuled tnahihen, ne matay.

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”

1 Samwél 31:4

Yó udélen ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke hennê le ou.” Okóm là kóen móyô yóm tau gel mit klungen yó, likò mò du. Yó gónó Sol tódô dmilot yóm sudengen ne tódô hneeben.

Kem Lingón 34:21

Yóm sidek gel nmò tau, yó se bud hatayen. Yó kem tau kmutó nawa yó kem tau tedeng nmò le, angat tnafak Dwata lu.

Kem Lingón 79:12

Ó Dwata, hitu dulékem meles kul yó kem tólóng benwu hmilol me alì hemnê kóm.

Kem Udél Hlalak Tehe Selumun 6:15

Yó gónóm mon, wen glumfak mekto sut béléen ne laen kô bud gónón e mlo.

Kem Udél Hlalak Tehe Selumun 24:22

Yakà mekto ksuten bè yó kem tau hguluk yóm glumfak gu bè Dwata ne yóm tau hol geta yó ne tmau du de eles tô temngón du yóm tey keglà lemwót bélê le yó?

Jirimaya 18:17

Bè yóm kdaw ksut yó kem hohon le, yó nmou bè yó kem dou tau gotu senklahu lu bè solu yó kem hohon le. Yó kmò keseklahu kul hol lómón yóm kfung holis bè yóm lenos fi gu dmata kdaw. Bè yóm kdawen wen glumfak le yó tódô knogolu lu, là kô tnóbóngu kul.”

Tekang Kbuten 19:35

Tahu se, bè yóm kifu yó bud hlengel le mà le, ne ominen semtungô du yóm ngaen twoli. Lemwót bè yóm tey klengel mà le, yó bud gónón là temngón du yóm nmoen.

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Kem Udél Hlalak Tehe Selumun 13:21

Són moen gel wen hlayam le yó kem tau gemsalà, okóm yó kem tau tedeng kmò le, kehyu klowil yóm kul ofol.