Kem Udél Hlalak Tehe Selumun 24:12 - Udél Dwata: Gna Kesfasad ne Lomi Kesfasad

¹² Déke monem, laen kô dou hentngón du, okóm Dwata temngón du yóm nô lem but blututem ne du hemdeng du yóm kóm kmò. Tendo tnanuden u, ne benlayen u ofol geblà bè yóm deng nmoem.

Kem Udél Hlalak Tehe Selumun 24:12 Referans Kwoze

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Sulat Pol Ebè Yó Kem Tau Hemtahu Bè Rom 2:6

Bè yóm kdaw yó, angat tódô blay Dwata bè ket tau balà yóm tehe kun gel nmò.

Kem Udél Hlalak Tehe Selumun 21:2

Ofo tau hemdem du ke hono tedeng yóm kun kmò, okóm Dwata hemdeng du yóm nô lem but blututen.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Kem Lingón 121:8

Tendo nofin Dwata uu bè yóm gel kógówem lenwóten ni laen kô dù tul sónen.

Kem Lingón 121:3

Là kô bayaen kóm bè yóm gónóm btang. Yóm mofin kóm, là kóen tlek tungô.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Kem Lingón 62:12

Ne bud kóm funen, Dwata, yóm kbong nawa là monolen. Yóm ofol blayem bè tau, tódô geblà bè yóm deng kul nmò.

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

Deng Hegfan 22:12

Ne yó bud udél Jisas, monen, “Ngem móyóne bud kól ne. Wen ofol eles nwitu mò blayu yó kem tau mò balà yóm tehe kul gel nmò, yóm ket kul na sotu.

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Kul Nmò 17:28

Wen tehe tulón yóm sotu tau, monen, ‘Yakà lemwóten béléen yóm klowil tekuy, ne yóm kekdol tekuy, ne yóm ktau tekuy.’ Hol lómón se yóm gel mon yó kem tau lemingón bélê ye, yóm mon le, ‘Tekuy snéen ngà Dwata.’

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Jirimaya 32:19

Teyi hulung hedem ne tey hentaw ton yóm gel nmoem. Gotu tngónem yóm kul gel nmò yóm kdéen tau ne blayem kul yóm ofol bang balà yóm kul gel nmò.

Kem Udél Hlalak Tehe Selumun 5:21

Yakà gotu ton Dwata du yóm kdê nmò te ne tendo hendemen yóm kdê lan te.

Kem Lingón 66:9

Nô lem hólólen yóm klowil tekuy, ne sen-galaken tekuy anì là tlokob tekuy.

Kem Lingón 44:21

kaem deng tngón Dwata ne, yakà gotu tngónen du yóm kdê nô lem but blutut tau.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

1 Samwél 25:29

Baluen ke senktes hnatay le uu yó kem hohonem, tey kofinen kóm yóm sana kóm Dwata hol gónó mogot, lómón kesegyok tau yóm kimu alì mebtes alì legenen. Okóm yóm kul klowil yó kem hohonem, angat tódô lana lómón tódô klana yóm botu ke ubat bè hasut.

1 Samwél 2:6

Dwata se gónón lemwót yóm hatay ne bud du se gónón lemwót yóm klowil. Wen se tau hógówen ebè benwu yó kem deng matay ne wen se tau bud hlowilen.

1 Samwél 2:3

Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.

Kem Lingón 94:9

Dwata yóm mò klingu ye. Bokong kô kun? Bud nmoen se mata ye. Butô kô kun?

Kem Udél Hlalak Tehe Selumun 12:14

Gsengel nawahen du yóm tau hyu ulék yóm kun gel udél ne sal gel gutahen yóm ulék geblà bè yóm kun gel nmò.

Kem Udél Hlalak Tehe Selumun 5:22

Yóm tau gel mò sidek deng gfét lem salà ne. Yóm salaen henged fét mgen du.

Kem Udél Hlalak Tehe Selumun 16:2

Ofo tau hemdem du ke hono tedeng yóm kun kmò, okóm Dwata hemdeng du yóm nô lem but blututen.