Kem Udél Hlalak Tehe Selumun 24:10 - Udél Dwata: Gna Kesfasad ne Lomi Kesfasad

¹⁰ Ke tlek kóm lenmek bè yóm kwen glumfakem là kóen wen kgisem.

Kem Udél Hlalak Tehe Selumun 24:10 Referans Kwoze

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

1 Samwél 27:1

Okóm ke Dabid, yó hendemen, “Angat wen kdawen hnatay Sol ou. Mom hyu ke mlóye etu bè benwu kem Flistin. Ke ni nmou là bud hnebel Sol dou bè ni bè benwu Israél. Laen dù hemenu ditu.”

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

Job 4:5

Okóm ni, na a uu wen gbunuen, tódói hmung là gbekem mbô du.

Deng Hegfan 2:3

Deng tonu snéen yóm khanay ye nawa, ne yóm tey kehbala ye du yóm gel keglayam ye lemwót bè yóm klolò ye do, ne yóm là ktakas ye lemolò do.

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.