Kem Udél Hlalak Tehe Selumun 23:4 - Udél Dwata: Gna Kesfasad ne Lomi Kesfasad

⁴ Béem són henlom nawa yóm kwen kendengenem, hfulungi hedem ne nafasem nawahem.

Kem Udél Hlalak Tehe Selumun 23:4 Referans Kwoze

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Kem Udél Hlalak Tehe Selumun 28:20

Yóm tau laen dù belenen tódô seflós kuyag Dwata du, okóm yóm tau hensloen kwen kendengenen ne ke mlan bè là ktedengen, là kô tódô lugun Dwata du là tnafak.

Matyu 6:19

Bê ye kat alì henyu te tonok yóm kendengen ye. Ke bè yó gónó ye hemyu du, gbek kaba hemsidek du, ne nkê fak snéen yó kem dumuhen, ne gbek tau mnagaw husek elemen.

Kem Udél Hlalak Tehe Selumun 3:5

Hol hewótem lem but blututem yóm ksaligem ke Dwata, béem abay genléd nawa yóm kóm khulung temnef.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

Kem Udél Hlalak Tehe Selumun 15:27

Yóm tau seglom hnayamen kem fes lówóhen, okóm yóm tau kenbéen yóm filak mò wa nawahen htahaen ktauhen.

Kem Udél Hlalak Tehe Selumun 26:12

Mom hyu he yóm tau book senta yóm tau bè kun kehedem du deng tey hulung hedem ne kun.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Mark 4:19

okóm dê bnukù nawa le bè klowil le, ne gfét le bè kebel le kendengen le, ne tey dê he kem dumu sen-galu nawa le. Yó gónón baling limes yóm tô kehtahu le ne laen dog bunguhen.

Kem Udél Hlalak Tehe Selumun 27:24

Yakà gelen hotok yóm kendengen tau ne balù yóm kogot benwu sana là keglakiten yó kem lugod tau.

Jirimaya 9:22

Ne yó bud udél Dwata, monen, “Angat tódô bulét bè klamangen yó kem tau deng matay, lómón kbuléten kê ógóf ne lómón ke logom halay gtebel yó kem tau muta du ne laen kô dù tau bud semtifun kul.”